LUKA 12:13 - Pathien Lekhabu Inthieng (BSI)

¹³ Mipui laia mi tuin amanih Isu kuomah, “Inchûktirtu, ka u kuomah ro mi sem ve dingin hril rawh,” a ta.

LUKA 12:13 ပူးပေါင်းရင်းမြစ်များ

INPÂKNA HLABU 17:14

Aw LALPA, i kutin mihriem- haia inthawkin, Khawvêl mihriemhaia inthawk hin sanhim la, Anni chanvo chu hi dam sûnga an nei hi a na, An phîng chu i roin i suksippêk hlak a; Nauhai lungawi tâwk zetin an nei a, An sum hmang mahla chu an nautesenhai an thisanpêk hlak.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

LUKA 12:12

chu pha taka chun, ieng am in hril ding ti Thlarau Inthieng chun hril a ti cheu,” a ta.

LUKA 12:14

Nisienlakhawm, ama chun a kuomah, “Mihriem, nangni chungah tûin am rorêltu le, sum semtuah a mi siem a?” a ta.

LUKA 6:45

Mi ṭha chun a lungril ro bâwm ṭhaa inthawkin thil ṭhahai a the suok hlak; mi suol chun a lungril ro bâwm siea inthawkin thil ṭha nawhai a the suok hlak; a lungril sip liem chu a bauin a hril suok el hlak a ni sih a.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.