LUKA 11:22 - Pathien Lekhabu Inthieng (BSI)

²² nisienlakhawm, ama nêka hrât lemin a hung thawh a, a hne pha chun, ân ringna râlthuom famkim chu a lâkpêk a, a râllâk thil chu a sem dar hlak.

LUKA 11:22 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

FESUOKNA 15:9

Hmêlma chun, ‘Hnawt ka ta, hnawtphâk ka ta, râllâk thil chu sem ka tih; Ka dittâwkin annia inthawk lâng ka ta, Ka kâwlhnâm phawi ka ta, ka kutin anni sukbohmang ka tih,’ a tih a.

ISAI 27:1

Chu nia chun LALPA chun a kâwlhnâm ngei ṭhatak, lien- tak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, baw- setuhai ta ding chun a ṭawngṭaipêk a.

LUKA 11:21

“Mi hrât chun hriem famkim chawia a in a vêng sûng po, a sum chu himtakin a um zing hlak;

LUKA 11:23

Tûkhawm, keia tienga ṭhang naw chu a mi do a nih; tûkhawm a mi lâk khâwmpui naw chun, a the dar a nih.

EPHESI 6:11

Diebol zâwrnahai chu in do zona dingin Pathien râlthuom famkimin inthuom ro.

EPHESI 6:13

Chuleiin, ni ṭha nawa chun in do zona ding le, in thaw zo hnung khawma in ngîr theina dingin Pathien râlthuom famkim chu la ro.

KOLOSSA 2:15

Chun, inlalna le thuneinahai chu hlîp thlain, chu krawsa chun chuonghai chu hnein, ân langa inhriettirnain a hmang tah a.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.