LUKA 10:3 - Pathien Lekhabu Inthieng (BSI)

³ “Fe ro, ngai ta u, satene laia berâmte um angin ka tir cheu hi.

LUKA 10:3 ပူးပေါင်းရင်းမြစ်များ

INPÂKNA HLABU 22:21

Sakeibaknei baua inthawk chu mi sanhim la, Anih, ramsielchal kiha mi chu nangin i mi dawn tah a.

ZEPHANIA 3:3

A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwkloin um unla.

MATTHAI 10:22

Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnuk- inrâwltakhai an ni sih a.

LUKA 10:4

Tangka ip dâm, mansa dâm, kekawk dâm, chawi naw ro, lampuiah tukhawm chibai bûk naw ro.

JOHAN 10:12

Inhlawfa, berâm vêngtu tak ni loa, berâmhai a ta ni lo chun satene hung a hmu chun berâmhai a tlânsan hlak; chun, satene chun berâmhai a seh a, a sukdar hlak;

JOHAN 15:20

‘Suok a pu nêkin a ropui nawh,’ ti thu ka hril ta cheu kha hre zing ro. Annîn kei an mi suknawmna ta chun, nangni khawm suknawmnâng an ti cheu; ka thu an zâwm ta chun nangni thu khawm zâwm an tih.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlum dinghai po cheuin Pathien chungah thilṭha thawin inhrieng an tih, chuong ang hun chu a tlung ding a nih.

THILTHAWHAI 20:29

Ka fe hnungin satene hrânghai nangni lai hung lût an ta, pâwlruol chu hla naw ni hai ti ka hriet.

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

THILTHAWHAI 9:2

Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hnih a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.