LUKA 10:28 - Pathien Lekhabu Inthieng (BSI)

²⁸ Ama chun a kuomah, “I dawn dik ngawt el ie; chuong ang chun thaw la hring i tih,” a ta.

LUKA 10:28 ပူးပေါင်းရင်းမြစ်များ

NEHEMIA 9:29

“I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thawh a, i thupêk- hai an pawm nawh a, i rorêlna kalin thil an suksuol a; (miin an zâwma an hringpui ding chu); chun, an tuk- hnungkhur an innghat a, an insuk- kâwmawh a, an ngai nuom nawh a.

THUVARHAI 19:16

Thupêk vawngtu chun a lung- ril chu a vawng ṭha a na, A lampuihaia fîmkhur lo chu thîng a tih.

EZEKIEL 20:11

Ka thuruothai le ka rorêlhai, chuong chu miin an thawh a, an hring pui dinghai chu, an kuomah ka pêk a, kân entir bawk a.

EZEKIEL 20:13

Amiruokchu, Israel sûngkuo chu thlalêra khan ka chungah an hel a, ka thuruotahai chun an fe nawh a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kâng- hmang dingin ka lunginsenna chu an chungah ka bunthlâk ding a nih ka ti tah a.

EZEKIEL 20:21

Nisienlakhawm, chuong thlahai chu ka chungah an hel ta rawp a, ka thuruothai chu an hraw nawh a, ka rorêlhai khawm chu thaw dingin an zâwm bawk nawh a; chuong chu miin a thaw chun chuonga chun hring a tih; ka châwlni khawm an sukpawr- cheh a; chun, kei chun thlalêra an chunga ka lunginsenna chu sukpui- tling dingin an chunga chun ka lunginsenna chu ka bunthlâk ding a nih ka tih a.

LEVI DÂN 18:5

Chuleiin, ka dân le ka rorêl chu in zâwm ding a nih; chu chu miin a thaw chun hring phâng a tih; kei hi LALPA chu ka nih.

MATTHAI 19:17

Chun, ama chun a kuomah, “Thil ṭha thu iengdinga i mîn dawn? Ṭha chu pakhat chau a um, ieng- khawm ni sienla, hringnaa lût i nuom chun thupêkhai chu zâwm rawh,” a ta.

MARKA 12:34

Chun, vartakin a dawn ti Isûn a hrietin a kuomah, “Pathien ram i hlat naw hi” a ta. Chu hnunga chun tukhawmin thu hrim hrim an indawn ngam nawh a.

LUKA 7:43

Simon chun, “A ingaidam tam lem chun niin ka ring,” a ta, a dawn a. Chun, ama chun a kuomah, “I ti dik ie,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:4

Krista chu ama ringhai po ta dingin felna an hmu theina dinga Dân suktâwpna a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:19

Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:10

Chun, hringna dinga thupêk chu thina ding lem a nih ti ka hung hriet tah a;

GALATI 3:12

chun, Dân chu ringnaa inthawk a ni nawh a, “Chuong anga thawtu chu chuonga chun hring a tih,” ti a ni lem.

DÂN PAHNINA 6:24

Chuongchun, hieng dânhai po po hi zâwm ding le ei ṭhat zingna dinga LALPA ei Pathien chu ṭi dingin LALPA chun thu a mi pêk a, vawisûn nia anga mi dama a mi hla theina dingin.