LUKA 10:18 - Pathien Lekhabu Inthieng (BSI)

¹⁸ Chun, ama chun an kuomah, “Kâwlinlep angin Setan vâna in- thawka hung tla kha ka hmu annaw.

LUKA 10:18 ပူးပေါင်းရင်းမြစ်များ

ISAI 14:12

“Aw sikhawvar, zîngkâr naupa, iengtiziea vâna inthawka tla am i ni ta leh? hnam tin sukthlutu, iengtiziea hnuoia sât thlâka um am i ni ta leh?

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

JOHAN 12:31

Tuhin hi khawvêl hi ngaituo lai a nih; tuhin hi khawvêl lal hi pei suok nîng a tih.

JOHAN 16:11

rorêl thua dâm thiemnaw chang an tih, hi khawvêl lal hi inthiemloa a tlûk ta leiin.

HEBRAIHAI 2:14

Chuongchun, naupanghai hi tisa le thisen changtuhai an ni tâwl leiin, ama ngei khawmin chuong bawk chu a chang ve tah a; thînain thîna thuneitu (chu chu Diebol a nih), a sukbohmang theina ding le,

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

THUPUONGSUO 20:2

Drakon, rûlpui tar chu (chu chu Diebol le Setan a nih) a man a, kum sâng khata dingin a khuop a,

THUPUONGSUO 9:1

Chun, vântirko pangana chun a hang mût a; chuongchun, arasi, vâna inthawka hnuoia tla sa ka hmuh a; chun, vânsam khur chabi chu a kuomah an pêk a,