LUKA 1:37 - Pathien Lekhabu Inthieng (BSI)

³⁷ Pathien ta ding chun thaw thei naw iengkhawm a um si nawh a,” a ta.

LUKA 1:37 ပူးပေါင်းရင်းမြစ်များ

INṬANNA 18:14

LALPA ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

1 LALHAI 17:16

Elija hmanga a hril LALPA thu ang khan, beiphit bêl chu a ruok chuong nawh a, sahriek bûr khawm chu a kang bawk nawh.

2 LALHAI 3:18

Chun, hi thil hi LALPA mit- hmua chun thil chitê a na, chun, Moab mihai khawm chu in kutah pe bawk a ti cheu.

JOB LEKHABU (THE BOOK OF JOB) 13:2

In hriet ang ang chu kei khawmin ka hriet a: Nangni nêkin kân hnuoi bîk nawh.

JEREMIA 32:17

‘Aw LALPA Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um nawh a;

JEREMIA 32:27

“Ngai ta, mi tinrêng Pathien, LALPA chu ka nih, keia ta dingin thil intak taluo a um am a nih?

ZEKARIA 8:6

Sipaihai LALPA chun hieng hin a tih, “Chuong nihaia chun hi chi hlaa umhai mithmua hin a mak hle chun, keia mithmua khawm a mak hle naw ding am a nih?” sipaihai LALPA chun a tih.

NAMBAR 11:23

LALPA chun Mosie kuomah, “LALPA kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

MATTHAI 19:26

Chun, Isûn anni chu a en a, an kuomah, “Chu chu mihriem dingin thaw ruol a ni nawh a; Pathien ding ruok chun iengkim thaw thei a nih,” a ta.

MARKA 10:27

Isûn anni chu a en a, “Chu chu mihriem ta dingin thaw ruol a ni nawh a, Pathien ta ding ruok chun thaw ruol lo a ni nawh; Pathien ta dingin iengkim thaw thei a ni sih a,” a ta.

LUKA 1:36

Chun, ngai ta, i zuorpuinu Elizabeth khawmin tar hnungin naupasal a vawn tah a; a ching an ti hlak kha, tuta thla hi a thla rukna a ni tah.

LUKA 1:38

Chun, Marin, “Ngai ta, Lalpa suoknu ka nih, i hril ang tak chun ka chungah tlung raw se,” a ta. Chun, vântirko chun a fe san tah a.

LUKA 18:27

Ama ruok chun, “Mihriem thaw ruollo hi Pathien thaw thei a nih,” a ta.

PHILIPPI 3:21

Ama chun a sinthawin iengkim khawm ama thu thuin ân umtir thei, chu thawzie ang pei chun ei tlâwmlai taksa hi, ama taksa ropui anga um dingin siem ṭha nâwk a tih.