LUKA 1:15 - Pathien Lekhabu Inthieng (BSI)

¹⁵ Lalpa ngaiin mi lien nîng a ta, uoin le zu hrim hrim dâwn naw ni; a nu phing sûnga inthawkin Thlarau Inthiengin hung sip a tih,

LUKA 1:15 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti cheh a, mal khawm sâwm ka ti cheh a, i hming sukropui bawk ka tih: nang malsâwmna nîng i tih.

INṬANNA 48:19

Nisienlakhawm, a pa chun a nuom nawh a, “Ka hriet deh, ka naupa, ka hriet, ama khawm hnama hril khawpin um a ta, ama khawm ropui bawk a tih; amiruokchu, a sang hi ama nêkin ropui lem a ta, a thlahai khawm hi chi tum tum tamtak la hung nîng an tih,” a tih a.

1 CHANCHIN SUINA 17:8

i fena taphawtahai chun ka hung ve pei a, i hmêlmahai po po chu i hmaa inthawkin ka sat thlâkpêk cheh a; chuongchun, leihnuoia um, mi ropuitak hming angin i hming chu siem ka tih.

1 CHANCHIN SUINA 29:12

Hausaknahai le inzakainahai chu nangmaa inthawka hung suok a na, nang chun mi po po chungah ro i rêl a; nangma kuta chun thilthaw- theina le hrâtna chu a um a; chun, i kuta chun mi tin kuoma hrâtna pêkna ding le sukropuina ding chu a um a.

INPÂKNA HLABU 22:9

Nang ruok chu sula inthawka mi la suoktu i na, Ka nu nêne chunga ka um lai khan nangin i mîn ringtir a.

JEREMIA 1:5

“Phîng sûnga ka siem hma che khawma ka hriet cheh a, Sula inthawka i hung suok hma khawma ka sukthieng ta cheh a: Hnamhai kuoma zâwlnei dingin ka lo thlang ta che a nih,” tiin.

JEREMIA 35:6

Nisienlakhawm, anni chun an dawn a, “Uoin chu dâwn naw ning ungah; kan thlatu Rekab unaupa Jonadab chun hieng hin thu a mi pêk sih a: ‘Kumkhuoin nangniin amanih, in naupasalhai khawmin amanih uoin hi dâwn ngai naw ti niu a;

LEVI DÂN 10:9

“Nang amanih, i naupasalhai amani khawmin, intuokna puon in sûnga in fe laiin uoin le zu hrim hrim dâwn naw ro, chuong naw chun thîng in tih; hi hi in thlahai chena kum- khaw dân ding nîng a tih.

ZEKARIA 9:15

Sipaihai LALPA chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.

LUKA 1:14

Chun, nang hlimin lâwm i ta, ama a pieng chun mi tamtak lâwm bawk an tih.

LUKA 7:28

Nuhmei sûnga insieng laia chun Johan nêka ropui lem an um nawh; nisienlakhawm, Pathien rama mi chîn tak khawm ama nêkin an ropui lem,” a ta.

LUKA 7:33

Baptistu Johan chu a hung a, bei a fâk nawh a, uoin khawm a dâwn nawh a, nangnîn, ‘Khawhri a zâwl a nih,’ in tih a.

JOHAN 5:35

Chu Johan chu khâwnvar chawktak le var tak a nih, a varah lân sukhlim in nuom kha.

THILTHAWHAI 2:4

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an lo ṭawng tah a.

GALATI 1:15

Chun, ka nu phîngsûnga inthawka a mi suktumtu le, a lungin- sietna leia a mi kotu Pathien chun lungnitaka,

EPHESI 5:18

Chun, uoin inruiin um naw ro, chutaka chun insûm nawna a um sih a; Thlaraua sipin um lem ro.

JOSUA 3:7

Chun, LALPAIN Josua kuomah, “Mosie kuoma ka um ang khan, i kuoma khawm ka um ding a nih ti an hriet theina dingin, Israelhai po po mithmuah vawisûn hin ka chawi- mawi ṭan ding che a nih.

JOSUA 4:14

Chu ni chun LALPAIN Josua chu Israelhai po po mithmua chun a chawimawi a, Mosie an ṭi ang bawk khan a dam sûng po chun ama chu an ṭi tah a.