LEVI DÂN 9:24 - Pathien Lekhabu Inthieng (BSI)

²⁴ LALPA hmaa inthawk chun mei a hung suok a, pumrawhmang thilinhlân le a thâuhai chu mâichâma chun a kâng hmang tah a; chu chu mipui po poin an hmu chun an khêk dur dur a, an bawkkhup ta ṭhuop a.

LEVI DÂN 9:24 ပူးပေါင်းရင်းမြစ်များ

INṬANNA 15:17

Chun, nisa a hung tlah a, khuo a hung inthim chun, ngai ta, rawtuina mei khu mup mup le chuong saherhai kâra chun meiser chawk vung vung inlawn inlawn a um a.

INṬANNA 17:3

Chun, Abram chu a bawkkhup tah a; chun, Pathienin ama chu a biek a,

2 LALHAI 19:15

Chun, Hezekia chu LALPA hmaah a ṭawngṭai a, “Aw LALPA, cherubhai chunga ṭhung, Israel Pa- thien, nang, nang chau hi hnuoi chung ram po po Pathien chu i nih; hnuoi le vân hi nangma siem a nih.

1 CHANCHIN SUINA 21:26

Chun, Davidin chutaka chun mâichâm chu LALPA ta dingin a siem a, pumrawhmang thilinhlân le, in- remna thilinhlân chu ân hlân a, LALPA chu a ko tah a; chun, ama chun vâna inthawk chun pumraw- hmangna mâichâm chungah meiin a zuk dawn tah a.

2 CHANCHIN SUINA 6:2

Nisienlakhawm, kumkhuoa chêng- na dinga hmun i ta dingin, i ta dinga umna ding in ka bâwlpêk ta che hi,” a ta.

EZRA 3:11

LALPA kuoma lâwmthu hrilin le inpâkin insawntuoin hla an sak a, “Ama chu a ṭha sih a, Israelhai chunga a zângaina chu kumkhuoin a um zing sih a,” tiin. Chun, LALPA in lungphûm chu phûm a ni ta leiin, LALPA an inpâk lei chun mipui chu khêkri nasatakin an khêk a.

INPÂKNA HLABU 80:1

Aw Israelhai vêngtu, Berâm pâwl anga Josefhai ṭhuoitu, na lo sit rawh aw; Nang cherubhai chunga ṭhung chu, hung var suok rawh.

FESUOKNA 3:2

Chun, Lalpa vântirko, chîm- bukah mei chawkin a kuomah a hung inlâr a; a en a, chîmbuk meia chawk zur zura a chîmbuk chu kâng hmang si lo chu a hmuh a.

LEVI DÂN 10:2

Chuongchun, LALPA hmaa in- thawkin mei a hung suok a, anni chu a kâng hlum a, LALPA hmaa chun an thi tah a.

LEVI DÂN 6:13

Mâichâma chun mei chu hring zing a ta, a thi ding a ni nawh.

NAMBAR 14:5

Chuongchun, Mosie le Aron chu Israel thla mipui pungkhâwm po pohai hmaa chun an bawkkhup a.

NAMBAR 16:22

Chuongchun, anni chu an bawk- khup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an tih a.

NAMBAR 23:21

Jakobrawi rîtlona hrim a hmu nawh a, Israel mihai lai chun kâwmâwna a hmu bawk nawh. LALPA an Pathien chu an kuomah a um a, Anni lai chun Lal chawimawina ri chu a um a.

MATTHAI 26:39

Chun, tlâwmtên hma tieng a va fe dep a, a bawkkhup a, “Aw Pa, a thei chun, hi no hin mi khêl hrâm raw se; nisienlakhawm, keima thu ni loin, nangma thu thu ni lem raw se,” tiin a ṭawngṭai a.

THUPUONGSUO 4:9

Chun, thilhringhai chun lal- ṭhungphaa ṭhung chatuona hring zing chu an sukropuia, an chawi- mawia, lâwmthu an hril po leh,

THUPUONGSUO 5:8

Chun, lekhabu chu a lâk phing- leh thilhring pali le upa sâwmhni le pali hai chu, ṭingṭang le rângkachak berbu riminhnika sip chawi sengin, Berâmte hmaa chun an bawkkhup tâwl tah a; chuong riminhnikhai chu mi inthienghai ṭawngṭaina a nih.

THUPUONGSUO 7:11

Chun, vântirko po pohai chu lalṭhungpha le upahai le thilhring palihai vêla chun ngîrin an um a; chun, lalṭhungpha hmaa chun bawk- khupin.

RORELTUHAI 13:23

A nuhmei ruok chun a kuomah, “LALPAIN mi sukhlum a tum dâm chun pumrawhmang thilinhlân le fâk ding thilinhlân ei inhlânhai kha pawm nuom da ni ie, hieng ang po pohai dâm hi min entir naw bawk a ta, hieng ang thilhai khawm hi tuta ṭum hin mi hril naw bawk a tih,” a tih a.

RORELTUHAI 6:21

Chuongchun, LALPA vântirko chun a hmawl chawi hmawr chun sa le chawl ṭhanglo bei chu a hei tâwk a; chun, lunga inthawk chu mei a hung suok a, sa le chawl ṭhanglo bei chu a kâng hmang vawng a; chun, LALPA vântirko chu a mithmua inthawk chu a fe hmang tah a.