LEVI DÂN 9:23 - Pathien Lekhabu Inthieng (BSI)

²³ Chun, Mosie le Aron chu in- tuokna puon ina chun an va lût a; an hung suok nâwk a, mipuihai chu mal an sâwm a; chun, LALPA ropuina chu mi po po chunga chun a hung inlang tah a.

LEVI DÂN 9:23 ပူးပေါင်းရင်းမြစ်များ

2 CHANCHIN SUINA 7:1

Solomonin ṭawngṭaina chu a suktâwp chun, vâna inthawkin mei a hung tlah a, inthâwinahai le pumrawhmang thilinhlânhai chu a kâng hmang a; LALPA ropuina chun in chu a suksip tah a.

FESUOKNA 16:10

Chun, Israel thla mipui po po kuoma Aronin a hril phingleh, thlalêr tieng chu an en a, sûm laia Pathien ropuina hung inlang chu an hmuh a.

FESUOKNA 39:43

Mosie chun an sinthawhai po po chu a en a, LALPAIN thu a pêk ang tak chun an thaw zo tah ti a hmuh a; chuong ang tak chun an thaw zo tah a; chun, Mosiein anni chu mal a sâwm tah a.

LEVI DÂN 9:4

le bâwngchal le berâmchal LALPA hmaa inremna thilinhlân dinga inhlân dingin hung kei unla; hrieka hmet fâkmi thilinhlân leh, vawisûn hin in kuomah LALPA a hung inlang ding a nih,’ tiin hril rawh,” a ta.

LEVI DÂN 9:6

Mosie chun, “Hi hi a nih, in thaw dinga LALPAIN thu a pêk cheu kha; chuongchun, LALPA ropuina chu nangni lai hung inlang a tih,” a ta.

NAMBAR 14:10

Nisienlakhawm, a pungkhâwm- hai po po chun lunga dêng an rawt a. Chuongchun, LALPA ropuina chu intuokna puon inah Israel thlahai po po hmaa chun a hung inlang a.

NAMBAR 16:19

Chun, Kora chun mipui po po chu anni kalin intuokna puon in kawtkhâra chun ân umkhâwmtir a; chun, mipuihai po po chunga chun LALPA ropuina a hung inlang a.

NAMBAR 16:42

Chun, Mosie le Aron chunga mi- pui an pungkhâwm lai chun intuokna puon in tieng an nghah a; sûmin a hung inkhum le LALPA ropuina hung inlang chu an hmuh a.