LEVI DÂN 4:3 - Pathien Lekhabu Inthieng (BSI)

³ a suksuoltu chu hriek nâla um thiempu a nih a, mipuihai chungah thiemnaw inchangna ân tlungtir chun, a thil suksuol tah suol in- thâwina ding chun, LALPA kuomah bâwng tuoi demkailo inhlân raw se.

LEVI DÂN 4:3 ပူးပေါင်းရင်းမြစ်များ

2 CHANCHIN SUINA 29:21

Chun, bâwngchal pasari, be- râmchal pasari, berâmte pasari le, kêlchal pasari Juda mihai le hmun inthieng le ram ta dinga suol thilin- hlân dingin an hung lâk a. Chuong- chun, Aron naupasal thiempuhai chu LALPA mâichâm chunga chuonghai chu inhlân dingin thu a pêk a.

EZRA 8:35

Chun, sal intâng mihai intâng- naa inthawka hung suokhai chun Israel Pathien kuoma chun Israelhai po po puolah; bâwngchal sâwmpahni le, berâmchal sâwmkuo paruk, berâmte sâwmsari pasari le; kêlchal sâwmpahni suol thilinhlâna dingin; pumrawhmang thilinhlânah an in- hlân tah a; hieng po po hi LALPA kuoma pumrawhmang thilinhlân a nih.

FESUOKNA 29:14

Bâwngchal sa le, a vun le, a êk ruok chu bûk puoa chun meiin rawng i tih; suol ta dinga thil inhlân a nih.

FESUOKNA 29:21

Mâichâm chunga thisen chu innâlna hriek leh lâng i ta, Aron le a silfênhai le, a naupasalhai le an silfênhai chunga chun thêng i ta, ama chu inhlânthieng nîng a tih; a silfên- hai le a naupasalhai le a naupasalhai silfênhai leh.

FESUOKNA 29:7

Chun, innâlna hriek lâng i ta, a lu chungah buok i ta, ama chu nâl i tih.

FESUOKNA 30:10

Aron chun a kihai chunga chun kum khata vawi khat intlanna siem a ta; in thlahai chenin intlanna suol ta dinga thilinhlân thisen chun kum khatah vawikhat mâichâm ta dinga intlanna siempêk a tih, LALPA kuoma inthiengtak a nih,” tiin.

EZEKIEL 40:39

Chun, dâi kawtkhâr tuolpûk lûtnaa chun, hi tieng sîrah dawkân pahni, khing tieng sîrah dawkân pahni bawk, pumrawhmang thilin- hlân dâm, suol thilinhlân dâm, baw- sietna thilinhlân dâm thatna dingin a um a.

EZEKIEL 43:19

Levi mi thiempuhai, Zadok thlaa mi ngei chu, keia rawngbâwl dinga kei a mi hnaihai kuoma chun suol thilinhlâna dingin bâwngchal tuoi pêng i tih, Lalpa PATHIEN chun a tih.

EZEKIEL 44:27

Chun, hmun inthienga, huon sûng tuollai sûngril lema, hmun in- thienga rawngbâwl dinga a fe ni chun, a suol thilinhlân chu ân hlân ding a nih, Lalpa PATHIEN chun a tih.

LEVI DÂN 1:10

“A thilinhlân chu pumrawhmang thilinhlân dinga ran ruol laia mi, berâm amanih, kêl amanih a ni chun, a chal demkailo ân hlân ding a nih.

LEVI DÂN 1:3

“A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu LALPA hmaa pawm a ni theina dingin intuokna puon in kawt- khâr bula chun ân hlân ding a nih.

LEVI DÂN 16:11

“Aron chun ama puola suol inthâwina bâwngchal chu lâng a ta, ama le a sûnghai ta dingin intlanna siem a ta; ama puola suol inthâwina bâwngchal chu that a tih.

LEVI DÂN 16:3

Hieng ang hin Aron chu hmun inthienga chun a fe ding a nih; suol inthâwina dingin bâwng tuoi, pum- rawhmang thilinhlân dingin berâm- chal leh.

LEVI DÂN 16:5

Israel thla mipuihaia inthawkin, suol inthâwina dingin kêlchal pahni le pumrawhmang thilinhlâna dingin berâmchal pakhat chawi a tih.

LEVI DÂN 16:6

“Chun, Aron chun ama puola suol inthâwina bâwngchal chu inhlân a ta, ama le a sûnghai ta dingin intlanna siem a tih.

LEVI DÂN 4:14

an thil suksuol chu hriet suok a ni chun, mipuiin suol inthâwina ding- in bâwng tuoi inhlân an ta; intuokna puon in tuola chun an hung kei ding a nih.

LEVI DÂN 4:23

a thilsuol thaw chu inhriettir a ni chun a thilinhlânah kêlchal, demkailo hung kei a ta;

LEVI DÂN 4:28

thil a suksuol chu inhriettir a ni chun a thilinhlânah kêl, a pui dem- kailo, a thil suksuol tah suol in- thâwina dingin a hung kei ding a nih.

LEVI DÂN 4:5

Hriek nâla um thiempu chun bâwng thisen ieng zât amani chu lâng a ta, intuokna puon ina chun hung chawi a ta;

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol in- thâwinaa hmang dingin LALPA kuomah hung chawi a ta; thiempu chun a suol leia intlanna siempêk a tih.

LEVI DÂN 6:18

Aron thla pasal po pohai chun an fâk ding a nih. Chu chu LALPA ta dinga pumrawhmang thilinhlân chungchânga in thlahai chena kum- khawtluong dân nîng a ta; chu chu tâwk taphawt chu inthieng pei an tih,” tiin.

LEVI DÂN 8:12

A sukthiengna dingin hriek nâlmi chu Aron lu chunga chun a bur a, a nâl tah a.

LEVI DÂN 9:2

Aron kuoma chun, “Suol in- thâwina dingin bâwngte a chal, le pumrawhmang thilinhlân dingin berâmchal demkailo ve ve kei la, LALPA hmaa chun inhlân rawh.

LEVI DÂN 9:3

Chun, Israel thlahai kuoma chun, ‘Suol inthâwina dingin kêlchal, pumrawhmang thilinhlân dingin bâwngte le berâmte kum khat mi ve ve demkailo ṭhieu,

NAMBAR 16:22

Chuongchun, anni chu an bawk- khup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an tih a.

NAMBAR 8:8

Bâwngchal tuoi pakhat, a fâkmi thilinhlân, hrieka pawl beiphit inditak leh inlâktir la; suol thâwina dingin bâwngchal tuoi dang pakhat i kei bawk ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât nawh a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

HEBRAIHAI 5:3

Chun, chu lei chun, mihai ta dinga an inhlânpêk angin, anni ta ding ngei khawmin suolhai leiin in- hlân ve naw thei an ni nawh.

HEBRAIHAI 9:12

ei ta dingin chatuona intlanna hmu tain, kêlte le bâwngte thisen lei ni loin, ama thisen lem leiin, Hmun Inthienga chun vawikhatah a lût thleng ta nghâl a.