LEVI DÂN 4:26 - Pathien Lekhabu Inthieng (BSI)

²⁶ A thâu po po chu intlanna thilinhlân inthâwina thâu a raw angin mâichâma chun a raw ding a nih; chun, a suol chungchâng thua chun thiempu chun intlanna siempêk a ta, ngaidam nîng a tih.

LEVI DÂN 4:26 ပူးပေါင်းရင်းမြစ်များ

2 CHANCHIN SUINA 29:24

thiempuhai chun an that a, an thisen chun mâichâm chunga chun suol thilinhlân chu an inhlân tah a, Israel mi po po ta dinga intlanna siempêk dingin pumrawhmang thil- inhlân le suol thilinhlân chu Israel mi po po ta dinga thaw ding a nih tiin lal chun thu a lo pêk ta sih a.

EZEKIEL 43:22

Chun, a ni hni nia chun suol thilinhlân ding chun kêlchal dem- kailo inhlân i tih; bawngchal hmanga mâichâm sukthieng a ni ang bawk khan, mâichâm chu sukthieng nîng a tih.

LEVI DÂN 1:4

Pumrawhmang thilinhlân lu chunga chun a kut innghat a ta; chuongchun, a ta dingin intlanna siemna dingin pawmpêk ning a tih.

LEVI DÂN 12:8

Chun, a neiin berâmte a tlin naw chun, vaṭhu tuok khat amanih, pâr- vate tuok khat amanih a chawi ding a nih: pakhat chu pumrawhmang thilinhlân dingin, pakhat chu suol inthâwina dingin; chun, thiempu chun intlanna siempêk a ta, chuong- chun, inthieng ni tâng a tih,’ tiin hril rawh,” tiin.

LEVI DÂN 14:18

Chun, thiempu chun a kuta hriek la um po chun, inthien ding lu chu nâl a tih. Chun, thiempu chun LALPA hmaah intlanna a siempêk ding a nih.

LEVI DÂN 15:15

Chun, thiempu chun suol inthâwina dingin pakhat, pumraw- hmang thilinhlâna dingin pakhat chu ân hlân ding a nih; chuongchun, thiempu chun a thilpût thua chun LALPA hmaah intlanna siempêk a tih.

LEVI DÂN 17:11

“Tisa hringna chu thisena chun a um sih a; in hringna intlanna siem- na dinga mâichâm chunga ka pêk cheu a nih; hringna dinga intlanna siemna chu thisen ngei chu a ni sih a.

LEVI DÂN 19:22

Chun, a thil suksuol taha baw- siet inthâwina dingin thiempu chun berâmchalin LALPA hmaah intlanna siempêk a tih; chuongchun, a thil suksuolnaa chun ngaidam nîng a tih.

LEVI DÂN 3:5

Chun, Aron naupasalhai chun mâichâmah meia thing um chunga pumrawhmang thilinhlân chunga chun rawng an ta; chu chu LALPA ta dinga rim inhniktak mei hmanga thilinhlân a nih.

LEVI DÂN 4:19

A thâu po po chu la vawng a ta, mâichâma chun a raw ding a nih.

LEVI DÂN 4:20

Chuong ang chun bâwng chu thâwng a ta; suol inthâwina bâwng a thaw ang charin hi khawm hi a thaw ding a nih; chun, thiempu chun intlanna siempêk a ta, ngaidam ni tâng an tih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun LALPA ta dinga rim inhnikah mâichâma chun a raw ding a nih; chun, thiempu chun intlanna chu siempêk a ta, ngaidam nîng a tih.

LEVI DÂN 4:35

A thâu po po chu, berâmte thâu intlanna thilinhlân inthâwinaa mi lâk angin la vawng a ta; chun, thiem- pu chun LALPA ta dinga mei hmanga thilinhlân angin mâichâmah a raw ding a nih; chun, thiempu chun a thil suksuol ta chungchânga chun in- tlanna siempêk a ta, ngaidam nîng a tih.

LEVI DÂN 5:10

A pakhat nâwk chu dân angin pumrawhmang thilinhlân dingin inhlân a ta, thiempu chun a thil suksuol ta chungchânga chun intlan- na siempêk a ta, ngaidam nîng a tih.

LEVI DÂN 5:13

Chun, chuong thilhai a ieng ieng khawm a lo suksuol ta chung- chângah intlanna siempêk a ta, ngaidam nîng a tih; a la um po chu fâkmi thilinhlân ang bawkin thiempu chanpuol ding nîng a tih,’ ti rawh,” tiin.

LEVI DÂN 5:16

Thil inthieng chunga a lo sukdik nawna chu thung a ta, a hmun ngaa ṭheha hmun khat bel a ta, thiempu chu a pêk ding a nih; chun, thiempu chun bawsiet inthâwina berâmchal chun intlanna siempêk a ta, ngaidam nîng a tih.

LEVI DÂN 5:18

Berâm ruol laia mi berâmchal demkailo, i ngaia âwmtâwk, bawsiet inthâwina ding chun thiempu kuom- ah a hung kei ding a nih; chun, thiempu chun, hre loa a thaw pal chungchânga chun intlanna siempêk a ta, ngaidam nîng a tih.

LEVI DÂN 6:7

chun, thiempu chun LALPA hmaah intlanna siempêk a ta, ngai- dam nîng a tih, thiemnaw changna dinga thil a thaw taphawthai chung- chânga chun,” tiin.

NAMBAR 15:25

Chun, thiempu chun Israel thlahai pungkhâwm po po ta ding chun inremna siem a ta, ngaidam nîng an tih, thawpal a ni lei le, an thilinhlân LALPA ta dinga meia thilinhlân le an suol aia suol thâwina an inhlân ta leiin.

NAMBAR 15:28

Hre loa LALPA hmaa suksuoltu ta ding chun thiempu chun inremna a siem ding a nih; chuongchun, ngaidam nîng a tih.