LEVI DÂN 4:18 - Pathien Lekhabu Inthieng (BSI)

¹⁸ Chun, thisen aṭhen chu intuok- na puon inah LALPA hmaah mâi- châm kia chun nâl a ta, thisen la um po chu intuokna puon in kawtkhâr kâwlah pumrawhmang thilinhlânna mâichâm bula chun a bunthlâk ding a nih.

LEVI DÂN 4:18 ပူးပေါင်းရင်းမြစ်များ

2 CHANCHIN SUINA 29:22

Chuongchun, bâwngchalhai chu an hang that a, thiempuhai chun a thisen chu an indawh a; mâichâm chunga chun an theh a; berâmchal khawm chu an that a, a thisen chu mâichâm chunga chun an theh a; berâmtehai khawm chu an that a, a thisen chu mâichâm chunga chun an theh a.

FESUOKNA 29:12

Bâwngchal thisen chu lâng i ta, i kutpârin mâichâm kîhaia chun nâl i ta; chun, a thisen dang po chu mâichâm bula chun bur i tih.

FESUOKNA 30:10

Aron chun a kihai chunga chun kum khata vawi khat intlanna siem a ta; in thlahai chenin intlanna suol ta dinga thilinhlân thisen chun kum khatah vawikhat mâichâm ta dinga intlanna siempêk a tih, LALPA kuoma inthiengtak a nih,” tiin.

LEVI DÂN 4:25

Chun, thiempu chun suol inthâwina thisen chu a kutpârin tlâwmte lâng a ta, pumrawhmang thilinhlânna mâichâm kihaia chun nâl a ta, pumrawhmang thilinhlânna mâichâm bula chun a thisen la um po chu a bunthlâk ding a nih.

LEVI DÂN 4:30

Thiempu chun thisen chu a kutpârin tlâwmte lâng a ta, pum- rawhmang thilinhlân mâichâm kihaia chun nâl a tih; a thisen la um po chu mâichâm bula chun a bun- thlâk ding a nih.

LEVI DÂN 4:34

Thiempu chun suol inthâwina thisen chu a kutpârin tlâwmte lâng a ta, pumrawhmang thilinhlânna mâi- châm kiahai chun nâl a ta, a thisen la um po chu mâichâm bula chun bunthlâng a tih.

LEVI DÂN 4:7

Chun, thiempu chun a ṭhen chu LALPA hmaah, intuokna puon ina riminhniktak mâichâm kihaia chun thisen chu tlâwmte nâl a tih; chun, bâwngchal thisen la um po chu intuokna puon in kawtkhâr kâwla pumrawhmang thilinhlânna mâi- châm bula chun a bunthlâk ding a nih.

LEVI DÂN 5:9

suol inthâwina thisen chu mâichâm panga chun tlâwmte thêng a ta; thisen la um po chu mâichâm bula chun infar kangtir ding a nih; chu chu suol inthâwina a nih.

LEVI DÂN 6:30

Suol inthâwina, a thisen, hmun inthienga intlanna siemna dinga in- tuokna puon ina hung lâk ruok chu fâk ding a ni nawh a; raw el ding a nih.

LEVI DÂN 8:15

Mosie chun a that a; thisen chu a lâk a, intlanna siemna dingin, mâichâm kihaia chun a kutpârin a vêlin a nâl a, mâichâm chu ân hlân thieng a, mâichâm bula chun thisen chu a bunthlâk a, a sukthieng tah a.

LEVI DÂN 9:9

Aron naupasalhai chun thisen chu a kuoma chun an inhlân a, thisena chun a kutpâr chu ân chieh a, mâichâm kihaia chun a nâl a; thisen chu mâichâm bula chun a bunthlâk a;