LEVI DÂN 3:16 - Pathien Lekhabu Inthieng (BSI)

¹⁶ Chun, thiempu chun chuonghai chu, riminhnik dingin, mei hmanga thilinhlânin mâichâma chun a raw ding a nih. A thâu po po chu LALPA chanpuol a nih.

LEVI DÂN 3:16 ပူးပေါင်းရင်းမြစ်များ

INṬANNA 4:4

Abel khawm chun a berâm ruol laia a pieng hmasatakhai le a thau chu a hung lâk a. LALPA chun Abel le a thilinhlân chu a lâwm a;

2 CHANCHIN SUINA 29:35

Pumrawhmang thilinhlân tam tâwktak bâka chun inremna thilin- hlân thâuhai le pumrawhmang thilinhlân poa dâwnmi thilinhlânhai an um bawk a. Chuongchun, LALPA ina rawngbâwlna chu ân dawt peia siem fel chu a ni tah a.

2 CHANCHIN SUINA 7:7

Chunawa khawm, Solomon chun LALPA in tuolsûng hmun lailung chu a sukthieng bawk a; Solomonin dârsen mâichâm a ilo siem ta chun pumrawhmang thilinhlân le, bu thil- inhlân le, a thâuhai chu a keng naw leiin, chutaka chun pumrawhmang thilinhlân le inremna thilinhlân thâuhai chu ân hlân sih a.

FESUOKNA 29:13

Chun, a sûng thâu po chu lâng i ta, a thin chunga duorda le, a kalhai pahni le anni tuomtu thâu leh mâichâm chunga chun rawng i tih.

FESUOKNA 29:22

Berâmchal thâu khawm chu a ngûm le a sûngbawtu thâuhai leh, a thin chunga a duorda leh, a kal pahni le a tuomtu thâuhai leh, a dâr chang- tieng leh la bawk i tih (inhlânna berâmchal a ni leiin).

ISAI 53:10

Nisienlakhawm, LALPAIN ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, LALPA dit zâwng chu a kuta hlawtlingin um a tih.

EZEKIEL 44:15

“Amiruokchu, thiempu Levi mihai, Zadok naupasalhai, keimaa inthawka Israelhai an invâk hmang lai khawma ka hmun inthieng enkawlna sin kawltuhai chu, ka ta dinga rawngbâwl dingin keia hnaiah hung an ta; sathâu le thisen chu inhlân dingin ka hmaa chun ngîr an tih, Lalpa PATHIEN chun a tih;

LEVI DÂN 17:6

Chun, thiempu chun intuokna puon in kawtkhâr bula mâichâm chu thisen chun thêng a ta, a thâu chu LALPA ta dinga rim inhniktaka dingin a raw ding a nih.

LEVI DÂN 4:26

A thâu po po chu intlanna thilinhlân inthâwina thâu a raw angin mâichâma chun a raw ding a nih; chun, a suol chungchâng thua chun thiempu chun intlanna siempêk a ta, ngaidam nîng a tih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun LALPA ta dinga rim inhnikah mâichâma chun a raw ding a nih; chun, thiempu chun intlanna chu siempêk a ta, ngaidam nîng a tih.

LEVI DÂN 8:25

A thâu dâm, a mei thâu tak dâm, a rîlbawtu po po dâm chu, a thin tuomtu duorda le a kal pahni le a thâu dâm leh, a mal changtieng a lâk a.

LEVI DÂN 9:24

LALPA hmaa inthawk chun mei a hung suok a, pumrawhmang thilinhlân le a thâuhai chu mâichâma chun a kâng hmang tah a; chu chu mipui po poin an hmu chun an khêk dur dur a, an bawkkhup ta ṭhuop a.

MATTHAI 22:37

Chun, ama chun a kuomah, “ ‘Lalpa I Pathien chu I lungvar po poin, i thlarau po poin, i lungril po poin i hmangai ding a nih,’ ti hi.