LEVI DÂN 27:26 - Pathien Lekhabu Inthieng (BSI)

²⁶ “Amiruokchu, ran laia pieng hmasa tak, a pieng hmasatak leia LALPA chanpuol dinga ruot taphawt chu, tukhawma an inhlân ding a ni nawh; bâwngchal khawm, berâm khawm ni sienla, LALPA chanpuol a nih.

LEVI DÂN 27:26 ပူးပေါင်းရင်းမြစ်များ

2 LALHAI 7:5

Chuongchun, Suria mihai riek- hmuna fe ding chun thimbut hin an inthawk suok tah a; chun, Suria mi- hai riekhmun tawntir an va tlung chun, ngai ta, tukhawm an lo um nawh a.

NEHEMIA 10:36

Dâna ziek anga kan naupasal le kan ran pieng hmasa takhai, kan bâwng ruol le berâm ruol laia pieng hmasa takhai khawm kan Pathien ina rawngbâwltu thiempuhai kuoma kan Pathien ina ṭhuoi ding dâm;

FESUOKNA 13:2

“Israel thlahai laia nau lutîr sul hung kêu taphawt, mihriem khawm, ran khawm ka kuomah hung inhlân vawng rawh: ka ta a nih,” tiin.

FESUOKNA 22:30

Chuong ang bawk chun i bâwngchalhai, i berâmhai i thaw ding a nih; ni sari chu a pui leh um an ta, ni riet ni chun ka kuomah i pêk ding a nih.

LEVI DÂN 27:27

Ran inthieng naw a ni chun, i ruot dân angin ân tlan ding a na, hmun ngaa ṭhea hmun khat a bel ding a nih; intlan a ni naw chun, a man i ruot dân angin zawr ding a nih.

NAMBAR 18:17

Amiruokchu, bâwng pieng thla hmasa tak dâm, berâm pieng thla hmasa tak dâm, kêl pieng thla hmasa takhai chu în tlan ding a ni nawh a, an inthieng a nih, an thisen chu mâichâmah thêng i ta, LALPA ta dinga riminhnikah an thâuhai chu meia thilinhlânah i raw ding a nih.

NAMBAR 3:13

nau lutîr po po chu ka ta an ni sih a, Aigupta rama nau lutîr po po sukhlum ni khan Israelhai laia nau lutîr po po a mihriem a ranin ka puola dingin ka hau a nih; ka ta nîng an ta; kei hi LALPA chu ka nih,” tiin.

DÂN PAHNINA 15:19

“In ran ruol dâm, in berâm ruolhai laia pieng hmasatak a chal taphawt chu LALPA in Pathien kuomah inthiengah in pêk ding a nih; in bâwngchal pieng hmasatak chu sinthawhah in sawr ding a ni nawh a, in berâm ruolhai laia pieng hma- satak hmul chu in vâw ding a ni nawh.