LEVI DÂN 26:7 - Pathien Lekhabu Inthieng (BSI)

⁷ In hmêlmahai chu hnawt in ta, in hmaah kawlhnâma thatin um an tih.

LEVI DÂN 26:7 ပူးပေါင်းရင်းမြစ်များ

1 CHANCHIN SUINA 19:15

Chun, Ammon thlahai chun Suria mihai chu an tlânsie ti an hriet phing chun, anni khawm chuong ang bawk chun a unaupa Abisai hmaa inthawk chun an tlânse ve tah a, khawpuia chun an lût tah a, Joab ruok chu Jerusalema chun a kîr nâwk tah a.

ESTHER 9:16

Chun, lal rambung danga Juda umhai khawm chu anni le anni chu an inkei khâwm tâwl a, an hringna sanin an ngîr a, an hmêlmahaia in- thawk chun râlmuongin an um a, anni theidâtuhai sîng sari le sâng nga an that a; amiruokchu, annia râllâk sum chu an lâk nawh a.

INPÂKNA HLABU 81:15

LALPA theidatuhai chu a hmaah ṭiin kûn an tih, An hrem tuorna chun kumkhuo dai a tih.

LEVI DÂN 26:36

Chun, nangni laia mi la um- sunhai chu, an hmêlmahai ramah an lungrilah thlabârna inumtir ka ta; hnaṭâwng inlêng riin anni hnawt a ta, kâwlhnâma inthawka tlânsie angin tlânsieng an ta, tu ihnawt dêr loin tlûng an tih.

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

LEVI DÂN 26:8

Mi pangain za hnawt in ta, mi zain sîng hnawt in ta; in hmêlmahai chu in hmaah kawlhnâma thatin um an tih.

DÂN PAHNINA 28:7

In hmêlma nangni thawtuhai cheu chu LALPAIN suktlâwmpêk a ti cheu a, a thaw ding cheuin lampui pakhatah hung lût an ta, lampui pasariah tlânsieng an tih.

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, LALPAIN anni ân hlân a ni si naw chun?

JOSUA 23:10

Nangni laia mi pakhat chun mi sâng khat in hnawt a, in kuoma a lo hril ta angin, LALPA in Pathien hin a do pêk hlak cheu leiin.

RORELTUHAI 15:15

Chun, sabengtung khâkru a tharlâm deu hi a hmuh a, a hei ban a, a lâk a, chu chun mi sâng khat a vuok hlum a.

RORELTUHAI 4:16

Barak chun tawlailîrhai le sipaihai chu Jentailhai ram Haroseth chenin a hnawt a; chuongchun, Sisera sipaihai po po chu kâwlhnâmin an that vawng a, pakhat khawm dam an um nawh.

RORELTUHAI 7:23

Chun, Israelhai chu Naphtali, Aser le Manasse hnam po poa inthawk an pung khâwm a, Midian- hai chu an hnawt tah a.

1 SAMUEL 14:13

Chuongchun, Jonathan chu a kut le a ke hmangin a hang lâwn a, a râlthuom chawitu chun a zui a; chun, anni chu Jonathan hmaa chun an tlu ta zawt zawt a, a râlthuom chawitu chun a hung that ve pei a.