LEVI DÂN 26:41 - Pathien Lekhabu Inthieng (BSI)

⁴¹ kei khawm anni kalzâwnga ka um a, an hmêlmahai rama ka înumtir chu: an lungril tan lo chu an insuk- hnuoi a, an rîtlonaa inthawka an insiem ṭha chun;

LEVI DÂN 26:41 ပူးပေါင်းရင်းမြစ်များ

1 LALHAI 21:29

“Ahab ka hmaa an ngaitlâwm- zie hi i hmu am? Ka hmaa an ngai- tlâwm lei hin ama dam sûng hin chu a chungah thil ṭha naw intlungtir naw ning, a naupaa inthawk ruok chun a sûnghai chungah thil ṭha naw in- tlungtir ka tih,” tiin.

2 CHANCHIN SUINA 12:12

Chun, ama chu ân sukhnuoi tâk lei chun LALPA lunginsenna chu ama sukbohmang let dêr lo dingin lâk- kieng a lo ni tah a; chunawa khawm, Judai ram chu a la ṭha zing bawk a.

2 CHANCHIN SUINA 32:26

Amiruokchu, Hezekia chun a lungril chapona chu ân sîr nâwk a, ân sukhnuoi a; ama le Jerusalema um- hai le chun; chuongchun, Hezekia dam sûng khan chu LALPA lungin- senna an chungah a hung tlung ta nawh a.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

2 CHANCHIN SUINA 33:23

A pa Manasse ân sukhnuoi ta ang khan ama hi chu LALPA hmaa chun ân sukhnuoi ve nawh a; chuong- chun, hi Amon hi chu a suol nasa deu deu tah a.

EZRA 9:13

Chuong po po hnunga chun kan suol nasatak lei le, kan suksuolnahai leiin kan chungah a hung tlung a, nang kan Pathien hin kan khaw- hlonahaiin a phutâwk nêka nêp lemin i mi hrem a, a mahla khawm i mi la hlapêk a nih ti hmu zing si hin,

EZRA 9:15

Aw LALPA, Israel Pathien, nang chu în dik a, a suok a mahla chu i mi lo hlapêk ta sih a, vawisûn ni ang chen khawm hin: ngai ta, kan khaw- hlonahai leh i hmaa hin kan um a ni hi; hi hi lei hin tukhawm i hmaa chun an ngîr thei âwm si nawh a,” tiin.

NEHEMIA 9:33

Iengkhawm ni sienla kan chunga thil hung tlung po poa hin, nang chu i fel a; nang chun indiktakin thil i thawh a, keini ruok chun ṭha naw takin kan thaw a nih;

INPÂKNA HLABU 39:9

Nangma thaw a ni leiin, Ka ṭawng nawh a, ka bau ka ka bawk nawh.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien LALPA chun hieng hin a tih: ‘Ka hmaa insiehnuoi ieng chen am i nuom naw ding a nih a? Ka rawng an bâwl theina dingin ka mihai chu infetir rawh.

JEREMIA 4:4

LALPA kuoma chun ser intan unla, in lungril ser chu tan ro, nangni Jerusalema mihai le, Juda rama mi- hai; chuong naw chun ka lunginsenna chu mei angin fe suok a ta, i thilthaw- hai rîtlona lei chun; tukhawm iṭhel ruol loin kâng a tih.

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, LALPA thu chu an kuoma chun inhalna ang chau a na, amaa chun lâwmna hrim an nei nawh.

EZEKIEL 14:23

An um dânhai le an thilthawhai i hmu pha chun sukthlamuong an ti cheh a, a sûnga ka ithaw tahai po po chu a san um loin ka thaw nawh ti hre tâng in tih,’ Lalpa PATHIEN chun a tih,” tiin.

EZEKIEL 20:43

chutaka chun, in lampuihai le in thilthawhai po po, in lo insuk- pawrchenahai chu hre zing in tih; chun, in suolnahai po po, in lo suksuol tahaia chun in mithmu ngeia chun nangni le nangni intheida tâng in tih.

EZEKIEL 44:7

lungrila sertan lo le tisa khawma sertan lo, hmêlmakhai ka hmun in- thienga um ding le, sukpawrche dinga ka in ngeia in hung lâklût leia in tirdakumna hi huntâwk ta raw se; Bei dâm, sathâu dâm, thisen dâm chu in inhlân lai chun, ka thuthlunghai chu in bawsiet a, in tirdakumnahai chu belsa ding chauin.

EZEKIEL 44:9

“Lalpa PATHIEN chun hieng hin a ti a nih: Mi hmêlmak, lungrila ser- tan lo, tisa khawma sertan lo mi hmêlmak ieng ang khawm Israel thlahai laia lo um ta khawm chu, ka hmun inthienga chun a lût ding a ni nawh a.

EZEKIEL 6:9

Chun, nangni laia chuonga suok- hai chun, hnamhai sala ṭhuoia an umnahai laia an um lai chun mi hre zing an ta, an lungril keimaa in- thawka ṭhea um tah, châkna chu ka lo sukkawi ta zie hai le, an mithai an milimhai châktaka an enna le chun; chun, anni an tirdakumna po poa an lo thaw tah, thil ṭha naw ta ding chun an mithmu ngeia chun intirdak an tih.

LEVI DÂN 26:24

kei khawm nangni kal zâwngin um ka ta, keima ngeiin in suolhai leiin a let sariin hrem ka ti cheu.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

NAMBAR 5:7

a suksuolnaa chun thupha a chawi ding a nih; chun, a suksuol man chu kimtaka thung ding a na, a hmun ngaa ṭhea hmun khat a suk- suolnapa chu a pêk belsa ding a nih.

MATTHAI 23:12

Tukhawm ân ngaihlu phawt chu tlâwm a ta, tukhawm ân ngaitlâwm phawt chu chawimawiin um a tih.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

THILTHAWHAI 7:51

“Mi kâwmawhai, lungril le na tan nawhai, kumkhuoin Thlarau Inthieng hi in kal rawp el; in thlatuhai thaw ang pei khan in thaw hlak.

GALATI 5:6

Krista Isua chun sertan ieng- khawm a ṭhahnem nawh a, sertan- naw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

DÂN PAHNINA 10:16

Chuleiin, in lungril ser chu tan unla, kâwmaw ta naw ro.

DÂN PAHNINA 30:6

In hring theina dinga LALPA in Pathien chu in lungril po po le in lungvar po poa in hmangai theina dingin LALPA in Pathienin in lungril le in thlahai lungril ser chu tanpêk a ti cheu a.

DÂN PAHNINA 31:21

Thil ṭha naw le lunginzîngna tamtak an chunga a hung tlung pha chun, hi hla hi ân hrietsuoktirtu nîng a tih; (an thlahai baua inthawkin theinghil thei a ni âwm si nawh a); tuta kân khâmna rama ka ṭhuoi hma hrim khawmin an insuongtuo vêl dan chu ka hrietsa zing a nih,” a tih a.

PHILIPPI 3:3

Eini Pathien Thlarau zâra Pa- thien bie le, Krista Isu suong le, taksa chunga ringna innghat nawhai hi, Sertanhai ei ni lem sih a.

KOLOSSA 2:11

Krista sertannaa chun mihriem tisa suol chu hlîp vawngin, ama bawka chun kuta sertan ni lova sertan in ni kha.