LEVI DÂN 26:37 - Pathien Lekhabu Inthieng (BSI)

³⁷ Tu ihnawt loin kâwlhnâma hnawt ang elin inpalthlu rem rum an ta; in hmêlmahai lo dang dingin hrâtna hrim hrim nei naw ti niu.

LEVI DÂN 26:37 ပူးပေါင်းရင်းမြစ်များ

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

JEREMIA 37:10

Nangma hung dotu che Kaldai sipaihai po po khawm chu lo that ta la khawm, anni laia chun mi hliemhai chau chu la umin, chuong khawm chun, mi tin chu mâni puon inhaia chun tho an ta, hi khawpui hi meiin râwng an tih,” tiin.

JEREMIA 46:16

Mi tamtak chu insuithlu dingin a siem a, anih, an intlûk thuo pei a, “Tho unla, hi kâwlhnâm nêksâwrnaa inthawk hin eini mihai laia ngei le, ei piengna ram ngeia khan fe nâwk ei tiu,” an tih a.

JEREMIA 6:21

Chuleiin, LALPA chun hieng hin a tih: Ngai ta, hi hnam hmaa hin tlûkna lunghai chu sieng ka ta, chuong chunga chun pahai le naupa- salhai chu insuithlu hmunkhat an ta; tuolbâwm le a ruol khawm chu bohmang bawk an tih.

LEVI DÂN 26:17

In chunga chun ka hmai suk- thim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu ihnawt loin tlân in tih.

NAHUM 3:3

sakawr chung chuong mi, sakawr- a chuong dâm, kâwlhnâm tle zawr zawr dâm, fei tle pawp pawp dâm le, mi that um rem rum dâm, ruong um rei rui dâm leh; ruong chu tâwp ti hrim a nei nawh, an ruong haia chun an insui a;

NAMBAR 14:42

Nangni lai LALPA a um si nawh a, hmêlmahai lo that el dingin hang fe naw ro.

RORELTUHAI 2:14

Chuongchun, LALPA chu Israelhai chungah a lunginsen tah a; anni rawk hlaktuhai kuta chun a pêk tâwl tah a; an hmêlma an kâwl vêla umhai kuoma chun a zawr a: chuong- chun, an hmêlmahai chu an dang zo ta nawh a.

RORELTUHAI 7:22

Chun, tawtawrâwt za thum chu an mût a, chun, LALPA chun sipaihai po po chu anni le anni kâwlhnâmin ân dotir tâwl tah a; chuongchun, sipai- hai chu Zerera tieng panga Betshit- tah chen, Tabbath kâwla Abel-meho- lah ramri chen an tlânsieh a.

1 SAMUEL 4:2

Chun, Philistin mihai chu Israel mihai lo dang dingin an lo inzar dar a; chun, an hang inthaw chun Philistin mihai hmaa chun Israel mihai chu an tlâwm tah a; indona hmuna chun sipai sâng li lai amanih an that a.