LEVI DÂN 26:31 - Pathien Lekhabu Inthieng (BSI)

³¹ In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

LEVI DÂN 26:31 ပူးပေါင်းရင်းမြစ်များ

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

2 LALHAI 22:19

hi hmun le a sûnga chênghai hi sukrêm le ṭawngsephurin la um an tih ti thu ka hril kha i lo hriet a, i lungril dâm a hung innêm a, LALPA hmaa inngaitlâwm a, i puonhai i keithlêr a, ka hmaa i ṭap leiin kei khawma i thu chu ka lo hriet a, LALPAIN a tih.

2 CHANCHIN SUINA 36:19

Chun, Pathien in chu an rawh a, Jerusalem kul chu an vuokchim a, chutaka a lal inhai po po chu meiin an rawh a, chutaka bûr le bêl ṭhahai po po chu an suksiet bawk a.

NEHEMIA 1:3

Ka kuoma chun, “Sala intâng suok tah, chu rama dama la umhai chu chan setak le hrilsietin an um a; chun, Jerusalem kul chu a chim rem rum tah a, a kawtkhârhai khawm a kâng a,” an tih a.

NEHEMIA 2:17

Chuongchun, an kuomah, “Ei chan a sietzie hi in hmu a, Jerusalem a ram ti dâm, a kawtkhârhai khawm a kâng ti khawm in hriet a; thaw ro, hrilsiet ei ni ta nawna dingin Jerusalem kul hi inngîr nâwk ei tiu,” ka tih a.

NEHEMIA 2:3

Kei chun lal kuoma chun, “Lal chu kumkhuoin dam raw se; a mi thlatuhai thlân umna khuo chu a ram tah a, a kawtkhârhai chu a kâng vawng ta sih a, lungngai hmêl put lo thei am nîng ka ti?” ka tih a.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 6:11

Chun, kei chun, “LALPA, ieng chen am nîng a ta?” ka tih a. Chun, ama chun a dawn a, “Khawpuihai mihriem um loa a ram a, inhai thlûttu um lo a a ṭîek a, râusana a um vawng a,

ISAI 63:18

I mi inthienghai chun sâwt nawtê chau an nei a, a mi dotuhai chun i hmun inthieng chu an sir siet tah.

ISAI 64:9

Aw LALPA, lunginsen talaw naw la, khawhlonahai khawm kumkhaw- tluong chun hre zing naw rawh; ngai ta, lunginsiettakin mi en la, kan rêng hin i mihai kan ni hi.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang tah a, an thil tirdakumahai chun an lungril a lâwm hlak.

JEREMIA 22:5

Nisienlakhawm, hieng thuhai hi in ngai naw chun, LALPA chun a tih: keima ngei insâlin kân khâm a, hi in hi rausan ni ngei a tih.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 26:9

Iengdinga LALPA hminga thu hrila, ‘Hi in hi Silo ang nîng a ta, hi khawpui hi hluotu um loa rausan nîng a tih,’ i ti am a na?” an tih a. Chuongchun, LALPA ina chun Jeremia chu mipui po po chun an bâwr ta hut hut a.

JEREMIA 4:26

Ka hei en a, ngai ta, ram rahlâwktakhai khawm chu thlalêr a lo ni tah a, chutaka khawpuihai po po chu LALPA hmaihmaa le, a lungin- senna ṭiumtak hmaa chun a lo chim tâwl tah a.

JEREMIA 4:27

LALPA chun hieng hin a ti sih a, “Ram pumpui chu râusan nîng a ta, a tâwp ruok chu intlungtir naw ning.

JEREMIA 4:7

Sakeibaknei chu a chîmbuka in- thawk chun a hung suok tah a, hnam- hai sukbohmangtu ding chu; a lam- puia chun a thang mêk a, a hmuna inthawk chun a suok tah a, i ram chu râusana siem ding le, i khawpuihai khawm hluotuhai um loa sukse dingin.

JEREMIA 44:2

“Sipaihai LALPA, Israel Pathien chun hieng hin a tih: Juda ram khawpuihai le Jerusalem chunga thil ṭha naw ka hung intlungtirhai po po kha in hmu tah a, ngai ta u, vawisûn ang dâm hin râusan an ni a nih, mi tukhawm an chêng naw a nih;

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni tah a.

JEREMIA 52:13

LALPA in le lal in chu a rawh a; Jerusalema in po pohai, in ropui takhai khawm chu meiin a raw tah a.

JEREMIA 9:11

Chun, Jerusalem chu hmun- hnawk intiengkhâwmna le, satene- hai ta dinga chêngna hmunah siem ka tih; Juda khawpuihai khawm chu hluotu um loa râusanah siem bawk ka tih. Hi hi hrethiem thei dinga mi var tu am a um a?

ṬAP HLA 1:1

Iengtiziea khawpui khânga mi- puia sip kha khawsâwta ṭhung el am an tah a! Hnamhai laia khânga ropui kha, iem a tih a hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

ṬAP HLA 1:10

Hmêlma chun a thil hlu hai po po chungah a kut a phar a, Awinaw mi chu a hmun inthiengtaka chun a lût ti a hmu sih a, I mipui inkhâwmnaa lût lo dinga i khaphai ngei kha.

ṬAP HLA 2:6

A biekbûk chu huon ang elin, a lâk hmang luipêk a; Ân khâwmna hmun chu a suksiet bawk a; LALPA chun Zionah, inkhâwmpui hunbi neihai le châwlnihai chu theinghila um dingin a siem a, A lunginsenna nasatna chun a thiempu le lal chu a hmusit tah a.

ṬAP HLA 2:7

LALPA chun a mâichâm chu a peihâwnpêk a, a hmun inthieng khawm chu a sukthim a; A in ropui kulhai chu hmêlma kuta chun a pêkpêk bawk a. Inkhâwmpui hunbi nei nihai ang elin, LALPA ina chun an khêkri chêl chûl a,

EZEKIEL 12:20

Chun, khawpui, hluoa umhai chu suksiet nîng a ta, ram chu râusan nîng a tih; chun, LALPA chu ka nih ti mi hre tâng in tih,” tiin.

EZEKIEL 21:15

An dâi kawtkhârhai po po zâwna chun kâwlhnâm inzum chu kân nghat a, an lungrilhai chu a hung intui theina ding le, mi tamtak an tlûk theina dingin. E, kâwlinlep anga siem a ni chu aw! dettaka chel a ni tah a.

EZEKIEL 21:7

Chun, i kuomah, ‘Ieng am i thuokindawng pui leh?’ an ti pha chun, ‘Chanchinhai leiin, a hung tlung mêk sih a,’ tîng i ta; chun, lungril tin chu intui a ta, kut po pohai chu hung châu an ta, thlarau tin chu hung châuhâwp an ta, khûphai po po khawm chu tui angin hung zawi an tih; ngai ta, a hung mêk a, thaw khawm a ni ngei ding a nih, Lalpa PATHIEN chun a tih, tîng i tih,” a ta.

EZEKIEL 24:21

‘Israel sûngkuo kuoma chun hril la, Lalpa PATHIEN chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 6:6

In chêngna hmunhaia po po chun khawpuihai chu suksiet nîng an ta, bâwlhmunhai chu râusan nîng an ta; in mâichâmhai chu râusan le suksiet a ni theina ding le in milimhai chu suktliek le suktâwp a nia, in nisa- milimhai chu phûr thlûk a na, in sinthawhai chu suktâwp a ni theina dingin.

EZEKIEL 9:6

putarhai, tlangvâlhai, nunghâk- hai, naupangtêhai, nuhmeihai chu that fairêt rawh; amiruokchu, mi a chunga inchikna um chu hung hnai naw la; chun, ka hmun inthienga chun ṭan rawh,” tiin. Chun, biekin tuola um mi upahaia chun an ṭan tah a.

DANIEL 2:46

Chun, lal Nebukadnezzar chu a bawkkhup a, Daniel chu chibai a bûk a, ama kuoma chun riminhnikhai le inthâwina inhlân dingin thu a pêk tah a.

AMOS 7:9

chun, Isak bâwlhmunhai chu rausan hung nîng an ta, Israel hmun inthienghai chu suksiet nîng a tih, chun, Jeroboam sûnghai chu kâwl- hnâmin do ka tih,” a ta.

MIKA 3:12

Chuleiin, Zion chu, nangni lei chun lo anga inlet nîng a ta, Jerusa- lem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEPHANIA 3:6

Hnamhai chu ka sât thlâk a, an in insânghai chen khawm chu râu- sanin a um tah a; an kawtthlêrhai chu ka suksiet vawng a, tukhawma an hraw ta nawh a; an khawpuihai chu suksietin a um a, chuongchun, mi an um ta nawh a, a hluotu khawm an um ta nawh.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.

THILTHAWHAI 6:14

hi Nazareth Isu hin hi In hi ṭhiek a ta, Mosien dân a mi pêkhai kha sukdanglam a tih tiin a hril kan hriet,” an ta.

HEBRAIHAI 10:26

Thutak hrietna famkim chu ei chang hnunga thil ei suksuol ṭâl chun, suolhai dingin inthâwina um ta dêr naw ni a,