LEVI DÂN 26:14 - Pathien Lekhabu Inthieng (BSI)

¹⁴ “Amiruokchu, ka thu in pawm nawh a, hieng ka thupêkhai po po hi in zâwm nawh a;

LEVI DÂN 26:14 ပူးပေါင်းရင်းမြစ်များ

2 LALHAI 22:13

“Kei le, mipui le, Juda mihai po po hi hi lekhabu hmua thu chuonga hin LALPA mi va râwnpêk ta u, ei thaw dinga hi lekhabua ziek ang po po hi ei pi le puhaiin an lo zâwm naw leiin ei chungah LALPA lunginsenna chu a ṭal nasa ta êm hi,” a ta.

2 CHANCHIN SUINA 34:24

LALPA chun hieng hin a tih, Ngai ta u, hi hmuna le hi hmun hluotuhai chunga chun thil ṭha naw ka hung intlungtir ding a nih; Juda ram lal hmaa an tiem tah lekhabua khâng ṭawngsiehai po po kha,

2 CHANCHIN SUINA 7:19

Amiruokchu, i pêt hmang a, i hmaa thupêkhai le thuruothai ka siehai chu i nghatsan a, i fe a, pathien danghai rawng i bâwl a, anni chu chibai i bûk chun;

INPÂKNA HLABU 81:12

Chuongchun, an lungril kâwmaw ang peia um dingin ka thlathlam a, Anni remruot anga an umna dingin.

THUVARHAI 3:33

LALPA ṭawngsie chu mi khawhlo inah a um a, Mi fel chêngna ruok chu mal a sâwm hlak.

JEREMIA 11:8

Nisienlakhawm, an awi nawh a, an na khawm an sit bawk nawh a, amiruokchu, mi tin chu mâni lungril ngarna ang pei chun an fe lem a; chuleiin, an chunga chun hi thu- thlung thuhai po po hi ka hung intlungtir a, chuong chu thaw dingin thu ka pêk a, nisienlakhawm, an thaw nawh a,’ tiin.

JEREMIA 17:27

Amiruokchu, châwlni chu in- sera, châwlnia Jerusalem dâi kawt- khârhaia phur phura lût lo dinga ka thu in ngai naw chun, chutaka dâi kawtkhâra chun mei sêm ka ta, Jerusalem in ropuihai chu kâng- hmang a ta, sukmit ni ngai hrim hrim naw ni.

JEREMIA 26:4

Chun, an kuoma chun hieng hin tîng i ta: LALPA chun hieng hin a tih: in hmaa ka sie ka dân chu hraw dinga ka thu in ngai naw chun,

JEREMIA 28:8

Zâwlnei keia hma le nangma hmaa, kha hmaa lo um tahai khan ram tamtak chunga le, lalram ropui- takhai chunga le, indo thu dâm, thil ṭha naw thu dâm, hripui thu dâm an lo hril hlak a.

JEREMIA 32:23

chuongchun, an hung lût a, an nei a, nisienlakhawm, i râwl chu an awi nawh a, i dân khawm chu an zâwm bawk nawh a; anni chun thaw dinga thu i pêkhai a iengkhawm chu an thaw nawh a; chuleiin, thil ṭha naw tinrêng chu an chunga chun în tlungtir a,

JEREMIA 40:2

Vêngtu pâwl hotu chun Jeremia chu a ṭhuoi a, a kuomah, “LALPA i Pathien chun hi hmuna hin hieng thil ṭha naw hi tlung dingin a ruot tah a;

ṬAP HLA 1:18

LALPA chu a fel a nih; a thupêk dodâlin ka hel sih a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâl- hai chu salah an fe tah a.

ṬAP HLA 2:17

LALPA chun thaw a itum chu a thaw tah a; Tienlai nihaia thu a pêk thuhai chu a hung sukpuitling tah a; A pei thlâk tah a, a lunginsiet nawh a; Hmêlmahai chu lâwmin a siem tah a; I hmêlmahai ki chu a chawimawi ta a ni hi.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin LALPA kan Pathien ditsakna chu kan hni chuong nawh a.

HOSEA 7:12

An fe chu an chungah ka lên hei dêng ka ta, Chunglêng vate man angin man ka tih; An thil suol thaw ang huin anni hrem ka tih.

LEVI DÂN 26:18

Chuong sa khawma ka thu in la pawm naw rawp chun, in suolhai leiin a let sariin la hrem ka ti cheu a;

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai LALPA chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

THILTHAWHAI 3:23

Chun, mi tûkhawm, chu zâwlnei thu chu ngai naw taphawt chu, mi laia inthawk sukbohmang dai nîng an tih,” a ti kha.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsan- tuhai hin pumpel naw nâwkzuol ei tih.

JOSUA 23:15

Amiruokchu, LALPA in Pa- thienin thil ṭha in kuoma a hrilhai po po kha in chunga a hung tlung vawng ta ang bawk hin LALPA in Pathienin hi ram ṭhatak a pêk cheua inthawk hi a sukbohmang vawng hmakhat cheu LALPAIN thil ṭha nawhai in chungah la hung intlungtir vêng a tih.

RORELTUHAI 2:15

An fena tieng tiengah LALPA kut chu a se tiengin an chungah a tla pei a, LALPAIN a lo hril ta ang le LALPAIN an kuoma inkhâma a lo hril ta ang khan; chuleiin, duoiin an lunginzing ta nawh a.

1 SAMUEL 12:15

amiruokchu, LALPA râwl chu ngai loa LALPA thupêk in helsan chun in puhaiin LALPA kut an tuor ang bawkin nangni khawma tuor in tih.