LEVI DÂN 26:1 - Pathien Lekhabu Inthieng (BSI)

¹ “Milim hrim hrim in insiem- pêk fâwm ding a ni nawh a, milim siem fâwm le lungphun dâm in inngîr ding a ni nawh; chibai bûk dingin chuong anga lung cher in ram sûngah in inngîr ding a ni nawh; kei hi LALPA in Pathien chu ka ni sih a.

LEVI DÂN 26:1 ပူးပေါင်းရင်းမြစ်များ

2 LALHAI 17:10

Tlâng insâng tina le thing hring tin hnuoia hin lungphunhai phunin Asera dâm an siem a,

2 LALHAI 17:16

Chun, LALPA an Pathien thu- pêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

2 LALHAI 17:8

LALPAIN Israel thlahai hmaa a lo hnawt suok tah hnamhai thuruot le Israel lalhai thuruot anga an lo pawm tâk lei a nih.

INPÂKNA HLABU 78:58

An hmun insânghaiin ama chu an suklungsen hlak sih a, An milim siemhaiin an inthîktir bawk a.

INPÂKNA HLABU 97:7

Milim siemfâwmhai rawngbâwl- tuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

FESUOKNA 20:2

“LALPA in Pathien, Aigupta ram, suok nina ina inthawka ṭhuoi suoktu cheu ka nih.

FESUOKNA 20:23

Keima le biek ding pathien danghai in insiem ding a ni nawh a, in ta dingin tangkaraw pathienhai, rângkachak pathienhai in siem ding a ni bawk nawh.

FESUOKNA 23:24

An pathienhai kuoma chun i kûn ding a ni nawh a, an rawng khawm i bâwl ding a ni nawh a, an sin i thaw ding a ni bawk nawh; anni chu peithla letdêr i ta, an milimhai chu suknâwi vawng i tih.

FESUOKNA 34:17

“Siemfâwm pathien hrim in siempêk ding a ni nawh.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiem- pêkhai chu, buikelet kuoma le bâk kuoma chun pei an ta,

LEVI DÂN 19:4

Milim tieng chun thle naw unla, milim sung fâwm pathienhai in ta dingin insiem naw ro; Kei hi LALPA in Pathien chu ka nih.

LEVI DÂN 25:55

Israel thlahai chu keima sie- hlawhai an ni sih a, Aigupta rama inthawka ka ṭhuoi suok, ka sie- hlawhai an nih: Kei hi LALPA in Pathien chu ka nih.

LEVI DÂN 7:33

Aron naupasalhai laia mi, in- remna thilinhlânhaia thisen le thâu inhlântu chun, a mal changtieng chu ama chanpuol dingin a nei ding a nih.

NAMBAR 33:52

Kanaan ram in lût pha chun, chu rama um po pohai chu hnawt suok vawng in ta, an lung milimhai po po chu sukse vawng in ta, an milim sunghai khawm sukse vawng in ta, an bâwlhmunhai khawm in ṭhiek vawng ding a nih;

THILTHAWHAI 17:29

Chuongchun, Pathien thlahai ei ni hnung chu, Pathien pangti chu, rângkachak dâm, tangka dâm, lung dâm, mihriem themthiem le remruot- a suthai ang hi amanih ei ti ding a ni nawh.

DÂN PAHNINA 27:15

“‘Themthiemhai kutsuok LALPA ta dinga tirdakum milim indin fâwm amanih, sung fâwm amanih kawltu taphawt chu ṭawngsephurin um raw se,’ tîng an ta, mipuihai po po chun, ‘Amen’ lo tîng an ta, an lo dawn ding a nih.

DÂN PAHNINA 5:6

“Kei hi LALPA i Pathien, Aigupta rama inthawka ṭhuoi suoktu che ka nih,.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.

RORELTUHAI 18:30

Chun, Dan thlahai chun milim siem fâwm chu anni ta dingin an inngîr tah a; chun, Mosie nau Gersom naupa Jonathan le a nau- pasalhai chu, ram chu miin an lâk hmakhat chun Dan chihai thiempua chun an um tah a.