LEVI DÂN 25:23 - Pathien Lekhabu Inthieng (BSI)

²³ “Kumkhuoa dingin ram chu zawr sawng ding a ni nawh, ram chu ka ta a ni sih a; ka kuoma khawsa mikhuol le khuolchâm el in ni sih a.

LEVI DÂN 25:23 ပူးပေါင်းရင်းမြစ်များ

INṬANNA 23:4

“Nangni lai mikhuol le inpêm el ka nih a; ka mithi ruong hi ka phûm hmang theina dingin nangni lai hin inphûmna hmun ding ram mi pe ro,” a tih a.

INṬANNA 47:9

Jakob chun Pharao kuomah, “Ka khuol inzin kum chen chu kum za le sâwmthum a nih a, ka dam sûng kumhai hi a tlâwmin a rimsikthlâk a nih, a mi thlatuhai an khuol inzin laia an dam sûng kum khawm a zât ve bawk nawh,” a tih a.

1 LALHAI 21:3

Chun, Naboth chun Ahab kuom- ah, “Ka puhai ro hang pêk che chu ka ta dingin a âwmin a âwm nawh ie,” a tih a.

1 CHANCHIN SUINA 29:15

Kan thlatuhai po po ang bawk khan i hmaa hin pêm le mikhuol el kan ni sih a; hi hnuoia hin kan nihai chu hlîm ang el a na; tukhawm um sawng hrim khawm an um nawh.

2 CHANCHIN SUINA 7:20

ram ka ipêk, ka rama inthawkin a zung pumin anni chu phawidawk ka ta, chun, hi in ka hminga ka lo sukthieng ta khawm hi ka hmu phâk nawah sawn hmang ka ta, hnam tin laia chun ti-elna le ṭawngnaa hmang dingin siem ka tih.

INPÂKNA HLABU 119:19

Hnuoia hin mikhuol ka na, I thupêkhai chu ka kuoma chun ip naw rawh.

INPÂKNA HLABU 24:1

Leilung hi LALPA ta a na, a sûnga um po pohai leh, Khawvêl le a sûnga chênghai le hin.

INPÂKNA HLABU 39:12

Aw LALPA, ka ṭawngṭâina hi ngai la, ka konaa hin na sit la, Ka mitthli tla hi tosan naw rawh: I mikhuol ka na, A mi thlatuhai po po ang khan khuolchâm el ka ni sih a.

INPÂKNA HLABU 39:13

Aw, hitaka ka suok a, ka um naw sawng dai hma hin, Ka har nâwkna dingin mi hla rawh.

INPÂKNA HLABU 85:1

LALPA i ram chunga hin i lâwm a, Jakobrawi sala an um chu i ṭhuoi kîr nâwk a.

FESUOKNA 19:5

Chuleiin, tuhin, ka thu in awi tak tak a, ka thuthlung in kawl tak tak ding chun, hnuoi hi ka ta a ni sih a, hnam dang po po lai chun ka ta dingin ro bîk nîng in tih.

FESUOKNA 2:22

Zippora chun naupasal a nei a. Mosie chun, “Hrietlo rama inzin ka ni tah a,” a tih a, a hmingah Gersom a sak tah a.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

EZEKIEL 48:14

An zawr ding a ni nawh a, in- thleng khawm inthleng bawk naw ni hai; chu ram ra hmasatakhai khawm chu mi dang chana siem ding a ni nawh; LALPA chanpuol a ni sih a.

HOSEA 9:3

LALPA rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

JOEL 2:18

LALPA chun a ram chu a thîk a, a mihai chu a lunginsiet a.

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

LEVI DÂN 25:10

Chu kum sâwmngana chu inser thieng i ta, ram sûnga um po pohai kuomah zalênna thu in phuong ding a nih; in ta dingin jubili nîng a ta; mi tinin mâni ta ngai nei nâwk in ta; mi tin chu mâni insûng khur sengah in um nâwk ding a nih.

LEVI DÂN 25:24

Chun, ram in hluo po poa chun, ram intlan in phal ding a nih.

DÂN PAHNINA 32:43

“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.