LEVI DÂN 24:9 - Pathien Lekhabu Inthieng (BSI)

⁹ Chun, Aron le a naupasalhai chanpuol nîng a ta, hmun inthiengah an fâk ding a nih; kumkhaw dâna LALPA kuoma mei hmanga thilin- hlânhai laia mi, a chanpuol inthieng tak a ni sih a,” tiin.

LEVI DÂN 24:9 ပူးပေါင်းရင်းမြစ်များ

FESUOKNA 27:21

Intuokna puon in Thuthlung bâwm hmaha puonzâr puoa chun Aron le a naupasalhai chun LALPA hmaa chun zântienga inthawka zîngkâr chen chun enkawl an ta; Israel thlahai aiin an thlahai chen- in kumkhuoin an bata ngai nîng a tih.

LEVI DÂN 10:12

Mosie chun Aron le a naupasal la dam hai, Eleazar le Ithamar kuoma chun, “LALPA kuoma mei hmanga thilinhlâna mi, fâkmi thilin- hlân lâk mahlahai chu la unla, mâichâm bulah chawl ṭhangloin fa ro, thil inthieng a ni sih a.

LEVI DÂN 10:17

“Iengdinga suol inthâwina chu hmun inthienga in fâk naw am a na? Hi hi thil inthieng tak, mipui rîtlona in phur theina dinga a pêk cheu, LALPA hmaa intlanna in isiempêk dinga a pêk cheu a ni sih a.

LEVI DÂN 21:22

A Pathien fâkmi thilinhlâna mi, ân thieng tak le thil inthienghaia mi chu fa thei a ta;

LEVI DÂN 24:10

Israel nuhmei naupa, a pa chu Aigupta mi, pakhat chu Israel thlahai lai a va feh a; chu Israel nuhmei naupa le Israel mi pakhat riebûka chun an insuol a;

LEVI DÂN 3:17

Thâu amanih, thisen amanih in fâk naw ding a nih ti hi, in thlahai chena khawm in umna taphawta chun kumkhaw thuruot ngîrzing nîng a tih,’ ti rawh,” tiin.

LEVI DÂN 6:11

Chun, a silfên chu hlîp a ta, silfên dang inbel a ta, a vâmhai chu khawhnâwm tieng hmun faiah a fepui ding a nih.

LEVI DÂN 6:16

Chun, lâk mahla chu Aron le a naupasalhai chun an fâk ding a nih; chu chu hmun inthienga chun chawl ṭhang loin fâng an ta; intuokna puon in tuolah an fâk ding a nih.

LEVI DÂN 6:9

“Aron le a naupasalhai chu thu pe rawh. Hi hi pumrawhmang thilin- hlân dân ding chu a nih. Pum- rawhmang thilinhlân chu mâichâm a chunga a rawnaa chun zânkhawvârin a zingkâr chen um a ta; chun, mâi- châm mei chu a hring zing ding a nih.

LEVI DÂN 8:3

chun, mi po po chu intuokna puon in tuollai chun inumkhâwmtir rawh,” tiin.

LEVI DÂN 8:31

Mosie chun Aron le a naupa- salhai kuoma chun, “Intuokna puon in kawtkhâr bulah sa kha suong unla, ‘Aron le a naupasalhai chun fa rawhai se,’ tiha thu pêka ka um angin inhlân thiengna leikhâwra bei le chun chutaka chun fa ro.

MALAKI 1:12

Amiruokchu, in bawsiet a, chu- taka chun, ‘LALPA dawkân chu sukpawrche a ni tah a, chutaka a theirahai khawm chu; chun, a buhai ngei khawm chu hmusitum a ni tah,’ in ta.

MATTHAI 12:4

Khânga Pathien inah a lût a, ama le a ruolhai fâk thieng naw, thiempuhai chau ifâk thieng entirna bei an fâk thu kha?

MARKA 2:26

Khânga Abiathar Thiempu Laltak a ni laia Pathien inah a lût a, Thiempuhai chau naw chun fâk thieng lo bei chu a fâk a, a ruolhai khawm a pêk ve thu kha?” a ta.

LUKA 6:4

Khânga Pathien inah a lût a, thiempuhai chau naw chun fâk thieng lo entirna bei chu a lâk a, a fâk a, a ruolhai khawm a pêk ve thu kha,” a ta.

1 SAMUEL 21:6

Chuongchun, thiempu chun, bei inthieng chu a pêk tah a; chutaka chun entirna bei an lâk nia bei luma thleng dinga LALPA hmaa inthawka an lâk chau naw chu bei dang a um si nawh a.