LEVI DÂN 23:24 - Pathien Lekhabu Inthieng (BSI)

²⁴ “Israel thlahai chu hril la, an kuomah, ‘Thla sarina, chu thla ni khat ni chu in ta dingin ursûntaka insera châwlna, tawtawrâwt mûta hriet zingna, inkhâwmpui inthieng nîng a tih.

LEVI DÂN 23:24 ပူးပေါင်းရင်းမြစ်များ

1 CHANCHIN SUINA 15:28

Chuongchun, Israelhai po po chun ri nasatak leh, saki mût rîk leh, tawtawrâwt ri leh, dârbenthek ri leh, ṭingṭang le perkhuonghaia inring- taka sakin LALPA thuthlungna bâwm chu an hung lâk tah a.

2 CHANCHIN SUINA 5:13

LALPA inpâka, lâwmthu hrila, hla saktuhai le tawtawrâwt puhai chu pakhat ang el a, ri inremtaka hriet a ni hlak a; tawtawrâwthai le, dârbenthekhai le, rimawi thawna thuomhnawhai leh an râwlhai an insuo a, LALPA chu inpâka, “Ama chu a ṭha sih a; a zângaina chu kum- khuoin um zing a tih,” an ti pha chun, LALPA in chu sûmin a hung sip hlak a,

EZRA 3:6

thla sarina ni khat nia chun LALPA kuoma pumrawhmang thilin- hlânhai chu an inhlân ṭan a; ami- ruokchu, LALPA biekin lungphûm chu phûm a la ni hri nawh a.

NEHEMIA 8:2

Chuongchun, thla sarina, ni khat niin thiempu Ezra chun pung- khâwmhai nutling, patling le a hrethiem thei chin po po hmaa chun Dân chu a hung chawi a.

INPÂKNA HLABU 89:15

Ri hlimum hre hlak hnam chu an hamṭha ie, Aw LALPA, anni chu i hmêl varah an um hlak,

INPÂKNA HLABU 98:6

Tawtawrâwthai le tawtawrâwt bi nei ri leh, Laltak, LALPA hmaa chun hlimtakin khêk ro.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, LALPA chu chibai bûk an tih.

LEVI DÂN 23:23

LALPA chun Mosie a biek a,

LEVI DÂN 25:9

Chu hnung thla sarina ni sâwm ni chun tawtawrâwt inringtak chu inmût vêltir i ta; intlanna nia chun in ram po poah tawtawrâwt in inmût vêltir ding a nih.

1 KORINTH 15:52

nisienlakhawm, ei rêngin tawtawrâwt nuhnungtak inri pha chun sâwt nawtêa, mitkhap kâr loa sukdanglamin um vawng tâng ei tih; tawtawrâwt chu ân ri ding a ni sih a; chuongchun, mithihai chu hmawn- theiloa keithoin um an ta, eini khawm sukdanglamin um tâng ei tih.

1 THESSALONIKA 4:16

Lalpa ngei chu khêkri leh, vântirko chunghnungtak râwl leh, Pathien tawtawrâwt ri leh, vâna inthawkin a hung ṭum ding a ni sih a; chun, Kristaa thi tahai chu tho hmasâng an tih.