LEVI DÂN 22:21 - Pathien Lekhabu Inthieng (BSI)

²¹ Tukhawmin thutiem sukpui- tling dingin amanih, mâni nuomthua thilinhlâna dingin amanih, LALPA kuoma inremna thilinhlâna dinga, ran ruol laia amanih, berâm ruol laia mi amanih ân hlân chun, pawm tlâk a ni theina dingin demkai dêrlo a ni ding a nih; demkaina hrim a um ding a ni nawh.

LEVI DÂN 22:21 ပူးပေါင်းရင်းမြစ်များ

INṬANNA 28:20

Chun, Jakob chun thu a tiem tah a, “Pathien ka kuomah a um a, hi ka fena lampuia hin mi vêng a, fâk ding bei le sil ding silfên a mi pêk a,

INPÂKNA HLABU 50:14

Pathien kuoma lâwmthu hril- na inthâwina inhlân lem la, I thutiem khawm Achunghnungtak kuomah hlen rawh.

FESUOKNA 35:29

Israel thlahai pasal tin le nu- hmei tin an lungrila pêk nuomna neihai chun LALPAIN Mosie hmanga thu a pêk tah sin po po thâwnaa dingin anni nuomthua LALPA ta dinga thilpêk chu an hung pêk a.

THUVARHAI 7:14

“Inremna thilinhlânhai inthâwina inhlân ding ka nih a, Hi ni hin ka thutiemhai chu kân thien tah a.

LEVI DÂN 22:22

A mitdel dâm, a ru tliek dâm, a silawng dâm, inpânna nei dâm, pang inthakna nei dâm, pang inhlip dâm chu LALPA kuomah in inhlân ding a ni nawh a, LALPA kuoma mei hmanga thilinhlâna dingin buotsai ding a ni nawh.

LEVI DÂN 3:1

“A thilinhlân chu inremna thilin- hlân inthâwina a na, bâwng ruol laia mi ân hlân chun, a pui amanih, a chal amanih khawm ni sien, LALPA hmaa demkailo ân hlân ding a nih.

LEVI DÂN 3:6

“Inremna thilinhlân inthâwinaa LALPA ta dinga thilinhlân chu berâm ruol laia mi a ni chun, a pui khawm ni sien, a chal khawm ni sien, demkailo ân hlân ding a nih.

NAMBAR 15:3

LALPA kuomah meia thilinhlân, pumrawhmang thilinhlân amanih, thutiem hlen dinga inthâwina ama- nih, mâni nuom thua thilinhlân ama- nih, in Fekân ruoiṭhe hunbia manih, ran ruol laia mi amanih, berâm ruol laia mi amaniha LALPA ta dinga riminhnik siem ding amaniha an inhlân pha chun,

NAMBAR 15:8

Pumrawhmang thilinhlân ama- nih, thutiem hlen dinga inthâwina amanih, LALPA kuoma inremna thilinhlân ding amaniha bâwngchal in buotsai pha chun,