LEVI DÂN 22:20 - Pathien Lekhabu Inthieng (BSI)

²⁰ Demkai hrim hrim chu in inhlân ding a ni nawh; pawmpêk tlâk cheu a ni âwm si nawh a.

LEVI DÂN 22:20 ပူးပေါင်းရင်းမြစ်များ

EZEKIEL 45:18

“Lalpa PATHIEN chun hieng hin a tih: Thla hmasatak, chu thla ni khat ni chun, bâwngchal tuoi dem- kâilo lâng i ta; hmun inthieng chu sukthieng i tih;

LEVI DÂN 1:3

“A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu LALPA hmaa pawm a ni theina dingin intuokna puon in kawt- khâr bula chun ân hlân ding a nih.

LEVI DÂN 22:24

A tilmu sukduk amanih, sukpêr amanih, sukkawi amanih, lâk amani chu LALPA kuomah in inhlân ding a ni nawh a; in rama hin chuong ang chu inthâwina dingin in hmang ding a ni bawk nawh.

LEVI DÂN 22:25

Ram dang mihai kuoma in- thawka lain chuong ang laia mi hrim hrim chu in Pathien fâk ding thilinhlânah in inhlân ding a ni nawh, chuonga chun sietna le dem- kaina a um lei chun, pawmpêk thei cheu ni naw ni,’ ti rawh,” tiin.

LEVI DÂN 3:1

“A thilinhlân chu inremna thilin- hlân inthâwina a na, bâwng ruol laia mi ân hlân chun, a pui amanih, a chal amanih khawm ni sien, LALPA hmaa demkailo ân hlân ding a nih.

LEVI DÂN 3:6

“Inremna thilinhlân inthâwinaa LALPA ta dinga thilinhlân chu berâm ruol laia mi a ni chun, a pui khawm ni sien, a chal khawm ni sien, demkailo ân hlân ding a nih.

MALAKI 1:8

Inthâwina dinga a mitdel in inhlân khan, suol a ni naw bâk chu teh! A damnaw le a kebai in inhlân khan, suol a ni naw bâk chu teh! In rorêltu kuomah va pe hrim ta u, a lo lâwm hrim cheu am? Annawleh, in mi nina chu a lo pawm ding am a nih? sipaihai LALPA chun a tih.

NAMBAR 19:2

“Hi hi LALPA thupêk dân chu a nih: Israel thlahai chu bâwngla sen, demkailo, hmêlhemlo, ringkawl la bât dêr lo hung kei dingin hril rawh.

NAMBAR 29:8

LALPA ta dinga thilinhlân riminhnik ruok chu in inhlân ding a nih; bâwngchal pakhat, berâmchal pakhat, berâmte a chal kum khat mi pasari, demkailo an ni ngei ding a nih;

DÂN PAHNINA 15:21

Dem kaina nei, a ke inbai amanih, a mit indel amanih, dem kaina ieng ang khawm nei taphawt chu LALPA in Pathien kuomah inthâwina dingin in hmang ding a ni nawh.

DÂN PAHNINA 17:1

“Bâwngchal amanih, berâm amanih, demkâi le ṭhat nawna hrim hrim nei chun LALPA in Pathien kuomah in inthâwi ding a ni nawh; chu chu LALPA in Pathien ta dingin thil tirdakum a ni sih a.

HEBRAIHAI 9:14

Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet sih a.