LEVI DÂN 21:8 - Pathien Lekhabu Inthieng (BSI)

⁸ Ama chu în hlân thieng ding a na, i Pathien ta dinga fâkmi thilinhlân chu ân hlân hlak sih a. I ta dinga mi inthieng a ni ding a nih. Kei LALPA a sukthiengtu cheu hi kân thieng sih a.

LEVI DÂN 21:8 ပူးပေါင်းရင်းမြစ်များ

NEHEMIA 13:29

Aw ka Pathien, thiempu nina sin le, thiemputna sin thuthlung le, Levi mihai thuthlung an sukpawrche leiin hre zing tâwl raw khai.

FESUOKNA 19:10

LALPA chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

FESUOKNA 19:14

Mosie chu tlânga inthawk chun mipui kuomah a fe thlah a, mipui chu a sukthieng a, an silfênhai chu an sâwp tah a.

FESUOKNA 28:41

I unaupa Aron le a naupasalhai chu inhâktir i ta, anni chu ka hmaa thiempu sina rawng an bâwl theina dingin hriek nâl i ta, namdet i ta, inhlân thieng i tih.

FESUOKNA 29:1

“Tuhin Thiempu sina ka rawng bâwl dinga anni inhlân thieng dinga an chunga i thaw ding chu hi hi a nih: bâwngchal tuoi pakhat le berâmchal pahni demkailo le,

LEVI DÂN 19:2

“Israel thla, mipuihai po po chu hril la, an kuomah, ‘In inthieng ding a nih, kei LALPA in Pathien hi kân thieng sih a.

LEVI DÂN 21:6

An Pathien ta dingin mi inthieng an ni ding a na, an Pathien hming an suksiet ding a ni nawh; LALPA kuoma mei hmanga thilinhlânhai le fâk ding dâm an inhlân hlak leiin; chuleiin, an inthieng ding a nih.

LEVI DÂN 22:16

chuong ang chun, an thil inthienghai fapêkin rîtlona le baw- sietna maw an inphurtir ding a ni nawh; Kei hi LALPA anni sukthieng- tu chu ka ni sih a,’ ti rawh,” tiin.

LEVI DÂN 3:11

Thiempu chun chu chu LALPA kuoma mei hmanga bu thilinhlân dingin, mâichâma chun a raw ding a nih.

MALAKI 1:7

Ka dawkân chunga khan bei sukpawrche tah in inhlân a; chun, nangni chun, ‘Khâwlai am kan sukpawrche cheh a?’ in tih a. Chutaka chun, ‘LALPA dawkân chu hmusitum a nih,’ in ti kha.

NAMBAR 28:2

“Israel thlahai chu thu pe la, an kuomah, ‘Ka bu ka ta dinga riminhnik meia thilinhlân, ka kuoma thilinhlân chu a hun tak peiah in inhlân ding a nih,’ ti la.

JOHAN 10:36

Pain a iruot, khawvêla a itir chunga hin, ‘Pathien Naupa ka nih,’ ka ti leiin, ‘Pathien i hrilsiet,’ in ti a ni maw?

JOHAN 17:19

Anni leiin kân sukthieng a nih, anni khawm thutaka an inthieng theina dingin.

HEBRAIHAI 10:29

Pathien Naupa sirde a, thu- thlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng naw- na kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim sih a.