LEVI DÂN 21:5 - Pathien Lekhabu Inthieng (BSI)

⁵ An lu an vaw kawl ding a ni nawh a, khâkhmul sîr tuok an tan ding a ni bawk nawh a, an taksa chu an ât pawp ding a ni bawk nawh.

LEVI DÂN 21:5 ပူးပေါင်းရင်းမြစ်များ

ISAI 15:2

Dibon mipui chu bâwlhmuna hai chun ṭap dingin an hang fe a, Moab- hai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

ISAI 22:12

Chu nia chun LALPA, sipaihai LALPA chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu suk- kâwk bawk naw ni hai;

JEREMIA 48:37

“Lu tin chu a kâwk a, khâkhmul tin kildein a um a; kut po pohai chun thil chepnawi an chawi a; kâwnghai chunga chun saiip puonhai a um bawk a.

EZEKIEL 44:20

“An luhai chu an vâw kawl ding a ni nawh a, an sam chu inṭhang seitir chu an phal bawk ding a ni nawh a; an lu chu a ṭhawlin an ṭhawl chau ding a nih.

EZEKIEL 5:1

“Chun, nang mihriem naupa, kâwlhnâm ngei la la, luvâwtu hmulvâw chem angah hmang la, i lu le i khâkhmul invâw rawh; chun, bûknain bûk la, sam chu ṭhe rawh.

LEVI DÂN 10:6

Mosie chun Aron kuoma le a naupasalhai Eleazar le Ithamar kuoma chun, “A sûnnain in sam inthla naw unla, in puonhai keithlêr bawk naw ro, chuong naw chun thi rawi in ta, mi po po chungah lung- insen rawi a tih; in unauhai Israel sûngkuo pumpuiin LALPA isêm chawk mei chu sûn lem raw se.

LEVI DÂN 21:4

A chipuihai laia lusa a ni leiin ân sukpawrche ding a ni nawh a, ân sukhmingse ding a ni nawh.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

MIKA 1:16

Invâw kawl la, i nau dittakhai lei chun invâw kawl rawh; mulukawl ang elin insukkawl nasa rawh, i kuoma inthawka sala ṭhuoiin an um ta sih a.

DÂN PAHNINA 14:1

“LALPA in Pathien nauhai in nih a, mithi leiin in inât ding a ni nawh a, in mit inkâr mithmul in vâw kawl ding a ni bawk nawh,