LEVI DÂN 20:9 - Pathien Lekhabu Inthieng (BSI)

⁹ A pa amanih, a nu amanih ṭawngsie inphurtu taphawt chu sukhlum ngei ding a nih; a pa ama- nih, a nu amanih ṭawngsie inphur a na, a chungah a thisen maw chu a um ding a nih.

LEVI DÂN 20:9 ပူးပေါင်းရင်းမြစ်များ

2 SAMUEL 1:16

Chun, David chun a kuomah, “I thisen chu nangma lu chung ngeiah um raw se, nangma bâu ngeiin, ‘LALPA hrieknâl chu ka that a nih,’ tiin a phuong si cheh a,” a ta.

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet loa a thawh a, kâwlhnâma a that leiin LALPAIN a thisen chu ama lu chung ngeiah hung inlêttir a tih.

FESUOKNA 21:17

“Tukhawm a pa manih, a nu manih ṭawngsieinphurtu chu sukhlum ngei ding a nih.

THUVARHAI 20:20

Tukhawm a nu amanih, a pa amanih ṭawngse inphurtu chu, A khâwnvar chu inthim sâmup- na laia chun her hlum nîng a tih.

THUVARHAI 30:11

Thla pakhat an thlatuhai hrilse hlak chu an um a, An nuhai khawm chu mal an sâwm bawk nawh.

THUVARHAI 30:17

Mit a pa chu nuisan a, A nu thu awi dinga hmusittu chu, Phairuom vaâkhai chun kheldawk an ta; Mulukawlhai chun fâng an tih.

EZEKIEL 18:13

a pung um dinga lo pe suok tah a, a pung khawm lo la ta hlak chu, ama chu a hring ding am a nih? Ama chu hring naw nih a, hieng tirdak- umnahai po po thawtu hi chu thi ngei ngei a ta, a thisen chu ama chunga chun a um ding a nih.

EZEKIEL 22:7

I sûnga chun nu le pa chu hmu- sitin an um a; i sûnga chun mikhuol- hai chu nêksâwrin an sawisah a; i sûnga chun pa neilohai le hmeithai chu an sukkhawhlo tah a.

LEVI DÂN 20:16

Nuhmeiin ran a va hnai a, ân pâwlpui chun, nuhmei le ran chu in sukhlum ding a nih; sukhlum ngei ding an nih, an thisen maw chu an chunga um a nih.

LEVI DÂN 20:27

“Pasal khawm, nuhmei khawm, khawhri aisânthiem amanih, dâwi- thiem amani chu sukhlum ngei ding a nih; lunga dêng nîng an ta; an thisen maw an chungah um a tih,’ ti rawh,” tiin.

MATTHAI 15:4

Pathienin, ‘I nu le pa chawimawi rawh,’ ‘Tukhawm a nu amanih, a pa amanih hrilse taphawt chu thi tei tei raw se,’ a ti sih a.

MATTHAI 27:25

Chun, vântlâng po po chun, “A thisen chu keini chunga le, kan nauhai chungah um raw se,” tiin an dawn a.

MARKA 7:10

Mosiein, ‘I nu le pa chawimawi rawh,’ ‘Tukhawm a nu amanih, a pa amanih hrilse taphawt chu thi mawl raw se,’ a ti sih a;

DÂN PAHNINA 27:16

“‘A nu amanih, a pa amanih inza naw taphawt chu ṭawngse- phurin um raw se,’ tîng an ta, mipui po po chun, ‘Amen’ an lo ti ding a nih.

JOSUA 2:19

Tukhawm i kawtkhâra in- thawka khawlaia suok taphawt chu ama lu chungah a thisen chu um a ta, keini chu thiemnaw changin um naw nîng ungah; chun, tukhawm in sûnga i kuoma um taphawt chu miin an chungah kut an thlâk chun kan lu chungah a thisen chu um a tih.

RORELTUHAI 9:24

Chu chu Jerubbaal naupasalhai sâwmsari chunga nunsetaka an thaw leia an chunga phuba lâkna a hung tlung theina ding le, anni thattu an unaupa Abimelek chunga le a unauhai that dinga a kut lo sukhrâttu Sekem mihai chunga an thisen a um theina dingin a nih.