LEVI DÂN 2:3 - Pathien Lekhabu Inthieng (BSI)

³ Fâkmi thilinhlân la lâk mahlahai chu Aron le a naupasalhai ta ding nîng a tih; chu chu LALPA ta dinga mei hmanga thilinhlânhaia inthieng tak chu a nih.

LEVI DÂN 2:3 ပူးပေါင်းရင်းမြစ်များ

EZRA 2:63

Ram awptu khawma an kuoma chun, thiempu chu Urim le Thum- mim leh a ngîr dawk hmakhat chun thil inthiengtakhai chu an fâk ding a ni nawh a lo ti ta hrim a nih.

FESUOKNA 29:37

Mâichâm ta dingin ni sari sûng chu intlanna siem i ta, chun, inhlân i tih; chun, mâichâm chu inthiengtak hung nîng a ta, mâichâm tâwk taphawt chu inthieng ni tâng an tih.

EZEKIEL 44:29

Bu thilinhlân dâm, suol thilin- hlân dâm, bawsietna thilinhlân dâm chu fâng an ta; Israel laia thilhlân tinrênghai chu an ta nîng a tih.

EZEKIEL 46:20

Chun, ka kuoma chun, “Hi hi a nih thiempu haiin bawsietna thilin- hlân chu an suongna ding le, suol thilinhlân an suongna ding hmun chu; bu thilinhlân khawm hitaka hin em bawk an tih; chuongchun, mipui chu hlânthieng dingin huon sûng tuollai puo lema chun an hung chawisuok ding a ni nawh,” a ta.

LEVI DÂN 10:15

A mal dawm kâng le a ir thên chu LALPA hmaa a thêna thên thilinhlân dingin mei hmanga thilin- hlân thâu leh an hung chawi ding a nih; chu chu nang le i naupasalhai leh kumkhuoa in chanpuol ding nîng a ta, LALPA thupêk ang khan,” a ta.

LEVI DÂN 14:13

Chun, suol inthâwina le pum- rawhmang thilinhlân an thatna hlak hmun, hmun inthienga chun berâmte chal chu a that ding a nih; suol inthâwina ang bawkin bawsiet in- thâwina khawm chu thiempu chan- puol a nih a; thil inthiengtak a nih.

LEVI DÂN 2:10

Fâkmi thilinhlâna lâk mahla- hai chu Aron le a naupasalhai chan- puol ding nîng a tih; chu chu LALPA ta dinga mei hmanga thilinhlânhaia thil inthieng tak chu a nih.

LEVI DÂN 21:22

A Pathien fâkmi thilinhlâna mi, ân thieng tak le thil inthienghaia mi chu fa thei a ta;

LEVI DÂN 5:13

Chun, chuong thilhai a ieng ieng khawm a lo suksuol ta chung- chângah intlanna siempêk a ta, ngaidam nîng a tih; a la um po chu fâkmi thilinhlân ang bawkin thiempu chanpuol ding nîng a tih,’ ti rawh,” tiin.

LEVI DÂN 6:26

Suol inthâwina inhlântu thiem- pu chun fâng a ta; intuokna puon in tuolah, hmun inthiengah a fâk ding a nih.

LEVI DÂN 6:9

“Aron le a naupasalhai chu thu pe rawh. Hi hi pumrawhmang thilin- hlân dân ding chu a nih. Pum- rawhmang thilinhlân chu mâichâm a chunga a rawnaa chun zânkhawvârin a zingkâr chen um a ta; chun, mâi- châm mei chu a hring zing ding a nih.

LEVI DÂN 7:7

Bawsiet inthâwina chu suol inthâwina ang bawk a na, dân ang- khat a nih; chutaka intlanna siemtu thiempu chun, chu chu a nei ding a nih.

LEVI DÂN 7:9

Chun, a zêunaa zêu fâkmi thilin- hlân taphawthai, a urnaa ur le thlêngdâra zêu po pohai chu ân hlântu thiempu chanpuol ding a nih.

NAMBAR 18:9

Meia raw mahla thil inthienghai chu i ta nîng a ta; an thilinhlân tinrêng an beiphit thilinhlân dâm, an suol thâwina thilinhlân dâm, an thiemnaw thâwina thilinhlân ka kuoma an hung inhlân ding chen- in nang le i naupasalhai puol nîng a tih.

1 SAMUEL 2:28

Chun, Israel hnam po po laia ka mâichâma hang fe a, riminhnik raw a, ka hmaa zakawsîng hâk dingin ka thiempu dingin ama chu ka ruot a ni naw am a nih? I thlatuhai chu Israel mihai pumrawhmang thil inhlân po po ka pêk a ni naw am a nih?