LEVI DÂN 19:32 - Pathien Lekhabu Inthieng (BSI)

³² “Lua kêlsam ṭohai hmaa chun i ngîr pei ding a na, tar hmêl chu în za ding a na, i Pathien chu i ṭi ding a nih; Kei hi LALPA chu ka nih.

LEVI DÂN 19:32 ပူးပေါင်းရင်းမြစ်များ

INṬANNA 31:35

chun ama chun a pa kuomah, “I hmah a ka tho pei naw leiin, ka lalpa, lunginsen naw rawh; nuhmei umdân pângngai chu ka chunga a um lai tak a ni sih a,” a tih a. Chuongchun, a zawng a zawng a, milimhai chu a hmu zo ta nawh a.

INṬANNA 48:12

Chun, Josef chun anni chu a pa mal kâra inthawk chun a kei suok a, ama chu hnuoi sikin chibai a bûk a.

1 LALHAI 2:19

Chuongchun, Bathseba chu Adonija va bepêk dingin lal Solomon kuoma chun a fe tah a. Chun, lal chu ama lo lâwm dingin a tho a, a hmaa chun a kûn a, a lalṭhungphaa chun a ṭhung a, chun, lal nu ta ding chun ṭhungpha ân sietir a; a changtienga chun a ṭhung tah a.

2 LALHAI 17:36

LALPA thilthawtheina nasatak le bân phar meua Aigupta rama in- thawka ṭhuoi suoktu cheu ama chu in ṭi lem ding a nih ama chu chibai in bûk ding a na, a kuomah in inthâwi ding a nih;

JOB LEKHABU (THE BOOK OF JOB) 32:4

Tuhin Elihu chun Job kuoma thuhril ding chu a nghâk a, ama nêka anni chu an upa lem leiin.

JOB LEKHABU (THE BOOK OF JOB) 32:6

Chun, Elihu Buz mi Barakel naupa chun a dawn a, a hril tah a: “Kei naupang ka na, nangni chu upatak in na; Chuleiin, kân sûm a, ka ngaidân chu in kuomah kân entir ngam naw cheu a nih.

THUVARHAI 16:31

Lu inṭuok chu ropuina lallukhum a na, Mi fel lampuia chun hmu nîng a tih.

THUVARHAI 20:29

Tlangvâlhai ropuina chu an hrâtna hi a na, Mi upahai mawina chu an lu inṭuok hi a nih.

THUVARHAI 23:22

I pa nang a neitu che thu hi ngai la, Chun, i nu chu a tar hnung khawma hmusit bawk naw rawh.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

ṬAP HLA 5:12

Lal nauhai chu an kut ngeiin an khâi hlum a; Upahai hmâi inzâna hrim a um nawh.

LEVI DÂN 19:14

Nasêt chu ṭawngsie în phur ding a ni nawh a, mitdel hmaah inpal thlûkna i sie ding a ni bawk nawh; i Pathien chu i ṭi ding a ni lem; Kei hi LALPA chu ka nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:7

Mi po po kuomah pêk ding taphawt chu pe ro; leiman pêkna ding kuoma chun leiman pe unla, sie chawina ding kuoma chun sie chawi unla, ṭi ding chu ṭi unla, inza ding chu inza ro.

1 TIMOTHE 5:1

Putar deuhai chu hal naw la, pa angin thlêm lem rawh; tlang- lakhai chu unau angin;

1 PETER 2:17

Mi po po chawimawi ro. Unau- hai chu hmangai ro, Pathien ṭidêk ro. Laltak chu chawimawi ro.