LEVI DÂN 18:25 - Pathien Lekhabu Inthieng (BSI)

²⁵ ram khawm chu a lo pawrche tah a nih; chuleiin, a rîtlona chu ka hrem a, ram chun a sûnga umhai chu a luok dawk ta vawng a.

LEVI DÂN 18:25 ပူးပေါင်းရင်းမြစ်များ

1 LALHAI 21:26

LALPAIN Israel thlahai hmaa a hnawtsuok Amor mihai thilthaw tin- rêng ang, milimhai bein thil tirdak- umtakin a thaw hlak a).

EZRA 9:11

khâng i siehlaw zâwlneihai hmanga i lo pêk tah, ‘Chu ram hluo dinga in fena ding chu ram thieng- naw, a rama mihai inthieng nawna- haia sukthieng naw, an inthieng- nawna kil khata inthawka kil khing- tieng chena sip, chu an inthieng naw- naa inthieng naw chu a nih.

INPÂKNA HLABU 106:38

Thisen pawitâwklo, an naupasalhai le an naunuhmeihai thisen ngei chu an insuo tah a, Chuonghai chun Kanaan ram milimhai kuomah an inthâwi a, Chu ram chu thisenin a lo pawrche tah a.

INPÂKNA HLABU 89:32

An bawsietnahai chu hmawl leh hung kan ka ta, An rîtlonahai chu vuokin hung kan ka tih.

ISAI 24:5

Hnuoi hi a umhai hnuoia chun a pawrche zo tah a; dânhai chu an bawsiet a, thuruot chu an sukdang- lam a, kumkhaw thuthlung chu an bawsiet leiin.

ISAI 26:21

Ngai ta u, LALPA chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

JEREMIA 14:10

LALPA chun hi mihai chung- thua chun hieng hin a tih: Invâk invâk hi an nuom zâwngtak a lo ni tah a: an kehai khawm an thunun nawh a; chuleiin, LALPA chun anni chu a pawm nawh a; tuhin an suol- nahai chu hre zing a ta, an suolhai lei chun anni chu hrem a tih.

JEREMIA 16:18

Chun, a hmasatakin, an khaw- hlona le suolna chu a let hniin thung ka ta, ka ram chu an thil thienglo ruokhai chun an lo sukpawrche tah a, ka rochan khawm an tirdakumna chun an lo suksip ta leiin.

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrcheh a, ka rochan chu tirdakumah in siem ta a ni kha.

JEREMIA 23:2

Chuleiin, Israel Pathien LALPA chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl tah a, anni chu in va sir ngai bawk nawh a; ngai ta u, in thilthaw rilohai chun ka hung sir ding cheu a nih, LALPA chun a tih.

JEREMIA 5:29

Hieng thilhai lei hin ka hung hrem naw ding am a nih? LALPA chun a tih; hnam hieng ang chunga hin ka thlarau chun phuba a lâk naw ding am a nih?

JEREMIA 5:9

Hieng thilhai lei hin ka hung hrem naw ding am a nih? LALPA chun a tih; ka thlarau chun hieng ang hnam chunga hin phuba a lâk naw ding am a nih?

JEREMIA 9:9

Hieng thilhai lei hin ka hrem hrim naw ding am a nih? LALPA chun a tih; hnam hieng ang hai chunga hin ka thlarau chun phuba a lâk naw ding am a nih?

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi LALPA thu suok a nih.

HOSEA 8:13

Ka ta dinga inthawina thilinhlânhai chu! Sa an inhlân a, an fâk a; chuong chu LALPAIN a pawm nawh. Chuongchun, an rîtlona hre zing a ta, an suol hrem a ta, Anni chu Aigupta ramah kîr nâwk an tih.

HOSEA 9:9

Gibea khuoa umlai nihai ang khan, Nasatakin anni le anni an insukkhawhlo a; An rîtlona chu hre zing a ta, An suolnahai chu thung a tih.

LEVI DÂN 18:26

Nangni chun chu ka dânhai, ka rorêl dânhai in zâwm ding a nih; hieng thil tirdakumhai a ieng el khawm hi in thaw ding a ni nawh, a ram mi khawmin, ram dang mi in rama khawsa khawmin;

LEVI DÂN 18:28

in hmaa hnam a luok dawk ang bawka in sukpawrche leia ram chun a luok dawk ve nawna ding cheuin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:22

Thilsiem po pohai chu tu chen hin inrûm le nauhasena tuorin an um tâwl ti ei hriet sih a.

DÂN PAHNINA 18:12

Hieng thil thaw mi taphawthai chu LALPA ngaiin mi tirdakum an ni sih a; hieng thil tirdakumhai lei hin a nih, LALPA in Pathien chun anni a hnawtsuokpêk cheu chu.

DÂN PAHNINA 21:23

a ruong chu thinga chun zânkhawvârin a um ding a ni nawh a, chu ni le le chun in phûm ding a nih; thinga khai taphawt chu Pathien ṭawngsephur an ni sih a, LALPA in Pathienin hluo dinga a pêk cheu ram chu in sukpawrche nawna dingin.

DÂN PAHNINA 9:5

In fel leiin amanih, in lungril indik leiin amanih an ram chu in hluo ding a ni nawh a, hieng hnamhai suol lei le LALPA in pu Abraham hai, Isak hai, Jakob hai kuoma ân khâmna thu suknghet dingin LALPA in Pathienin anni chu a hnawt suokpêk ding cheu a ni lem.