LEVI DÂN 18:24 - Pathien Lekhabu Inthieng (BSI)

²⁴ “Hieng thil a ienga khawm hin insukpawrche naw ro; hieng thil po poa in hmaa ka hnawt suok tah hnamhai chu an lo pawrche tah a,

LEVI DÂN 18:24 ပူးပေါင်းရင်းမြစ်များ

INṬANNA 15:16

Chun, suon linaa chun hitaka hin hung kîr nâwk an tih, Amorhai suolnahai hi a la kim hri si nawh,” a ta.

1 LALHAI 9:7

Israelhai hi ram ka pêka inthawk hin sukbohmang ka ta; chun, hi in ka hming dinga ka sukthieng ta sa hi ka mithmu phâk nawah sawnhmang dai ka tih; chuongchun, Israelhai hi hnam tinrênghai laia chun tielna le a se tieng hrilkhinaa hmang la nîng an ta;

2 CHANCHIN SUINA 33:2

Ama chun LALPAIN Israel mi- hai hmaa a hnawt suokhai, khawhri be mihai tirdakumna ang chun LALPA mithmuah thil ṭha naw chu a thawh a.

EZRA 9:1

Hieng thilhai hi thaw a ni zo chun, mi ṭhahai chu ka kuomah an hung a, “Israel mipuihai le thiem- puhai le Levi mihai hi hieng a rama um Kanaan mihai, Hit mihai, Periz mihai, Jebus mihai, Ammon mihai, Moab mihai, Aigupta mihai le Amor mihaia inthawk hin insiekieng loin, an tirdakumnahai chu an thaw ve zing el a nih.

INPÂKNA HLABU 106:39

Chuongchun, an sinthawhaia sukkhawloin an um tah a, An thilthawhaia chun an hung uire tah a.

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

EZEKIEL 36:17

“Mihriem naupa, Israel sûng- kuo chu anni ram ngeia an chêng lai khan, an thil thawhai le an lampuihai chun an sukpawrcheh a; an lampui chu ka kuoma chun nuhmei ân siehran laia ân thieng nawna ang chu a nih.

LEVI DÂN 18:3

In umna tah Aigupta ram mihai thaw ang kha thaw naw unla, ka ṭhuoi lûtna ding cheu Kanaan ram mihai thaw ang khawma thaw naw unla, an dân khawm zâwm bawk naw ro.

LEVI DÂN 18:30

Chuleiin, hieng an thil chîng tirdakumhai hi in chîng ve nawna dingin, thupêk hi in zâwm ding a nih; chuong thilhai chun insukpawrche ngai dêr naw ro: Kei hi LALPA in Pathien chu ka nih,’ ti rawh,” tiin.

NAMBAR 35:34

In umna ram, ka umna hi in sukpawrche ding a ni nawh, kei LALPA chu Israel thlahai lai hin ka um sih a,’ ti rawh,” tiin.

1 KORINTH 3:17

Tûkhawmin Pathien in chu a sukkhawhlo chun Pathienin ama chu sukkhawhlo vêng a tih, Pathien in chu ân thieng sih a, chu in chu nangni in nih.

DÂN PAHNINA 12:31

Chuong ang chun LALPA in Pathien chungah in thaw ding a ni nawh; an pathien chunga chun LALPA ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an raw hlak a nih.

DÂN PAHNINA 18:12

Hieng thil thaw mi taphawthai chu LALPA ngaiin mi tirdakum an ni sih a; hieng thil tirdakumhai lei hin a nih, LALPA in Pathien chun anni a hnawtsuokpêk cheu chu.

DÂN PAHNINA 9:4

LALPA in Pathienin a hnawt suokpêk hnung cheu chun, ‘Ei felna leiin hi ram hi hluo dingin LALPAIN a mi ṭhuoi lût a nih,’ in lungrilin ti dêr naw ro; hieng hnamhai hi an suol leiin a nih LALPAIN a hnawt suok- pêk ding cheu chu.

DÂN PAHNINA 9:5

In fel leiin amanih, in lungril indik leiin amanih an ram chu in hluo ding a ni nawh a, hieng hnamhai suol lei le LALPA in pu Abraham hai, Isak hai, Jakob hai kuoma ân khâmna thu suknghet dingin LALPA in Pathienin anni chu a hnawt suokpêk ding cheu a ni lem.

RORELTUHAI 20:10

ai sân ei ta, Israelhai chunga thil indik nawtak an thaw ang peia an thawh a, Gibea hmuna Benjamin mihai ei hang thawnaa mipuihai fâk ding lo inhlântu dingin Israel hnam po po laia mi za khatah sâwm pei, sâng khatah za pei, sîng khatah sâng pei thlang suok ei tih,” an tih a.

RORELTUHAI 20:5

Chun, Gibea mihai chun an mi hung thaw tah a, zânah in an hung inhuol a, mi that an tum a, ka thai- kêmnu chu an sawisa hrep a, a hung thi tah a.

RORELTUHAI 20:6

Chuongchun, ka thaikêm ruong chu ka lâk a, ka channâwi a, Israelhai ram hluo po poah ka thawn dar a nih. Israel rama hin thil tirdakumtak le invêtthlâktak an lo thaw ta sih a.