LEVI DÂN 16:4 - Pathien Lekhabu Inthieng (BSI)

⁴ Puon zai inhmi zakaw chung chu hâk a ta, a tisa inkhumna dingin puon zai inhmi kekawr chu bun a ta, puon zai inhmi kâwngkhiin inhrêng a ta, puon zai inhmi lukhum a khum ding a nih; hieng hi silfên inthieng a nih. Insil zet zet a ta; chun, ân bel ding a nih.

LEVI DÂN 16:4 ပူးပေါင်းရင်းမြစ်များ

FESUOKNA 28:2

I unaupa Aron ta dingin mawina ding le ropuina dingin silfên inthieng i siempêk ding a nih.

FESUOKNA 29:4

Aron le a naupasalhai chu in- tuokna puon in kawtkhâra chun hung ṭhuoi i ta, tuiin însiltir i tih.

FESUOKNA 30:20

Intuokna puon ina an lût ding phain amanih, LALPA kuoma meia thil inhlân raw dinga mâichâm hnaia rawngbâwl dinga an hung phain, tuia chun an insâwp ding a nih, an thi nawna dingin.

FESUOKNA 40:12

Chun, Aron le a naupasalhai chu intuokna puonin kawtkhâra chun hung ṭhuoi i ta tuiin insiltir i tih.

ISAI 53:2

A hmaa chun thil ṭo innotak angin ama chu ân dâwn suok sih a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei nawh a, ama ei hmuin ama ei ditna dingin mawina hrim hrim a nei nawh.

EZEKIEL 44:19

Chun, huon sûng tuollai puo lem, mipuihai umna huon sûng tuol- lai puo lema chun an hung suok pha chun, an rawngbâwlna an silfênhai kha an hlîp ding a na, chuong chu pindan inthienga chun sieng an ta, silfên dangin an inbel ding a nih, chuongchun, mipuihai chu an silfên hmanga an sukthieng naw nawna dingin.

EZEKIEL 9:2

Chun, ngai ta, hmârtienga um, dâi kawtkhâr chunghnung lema chun mi paruk, mi tinin mâni sukhlumna hriemhrei chu kuta chawiin an hung a; anni laia pakhat chu puon zai inhmiin ân chei a, a kâwngah lekhaziektu lekhatui bûr a pai a. Chun, anni chu an va lût a, dârsen mâichâm bula chun an ngîr tah a.

LEVI DÂN 16:23

“Chun, Aron chu intuokna puon ina chun lût a ta, hmun inthieng a lût laia puon zai inhmi silfên a hâk chu hlîp a ta, chutaka chun mâksan a ta;

LEVI DÂN 16:24

hmun inthienga chun insil a ta, a silfên inbel a ta, suok a ta, ama puola pumrawhmang thilinhlân le mipui puola pumrawhmang thilin- hlân chu inhlân a ta, ama le mipuihai ta dingin intlanna siem a tih.

LEVI DÂN 16:32

Chun, thiempu, a pa aia thiem- pu ni dinga hriek nâl le, suktuma um chun intlanna siem a ta, puon zai inhmi silfên inthieng chu inbel a ta;

LEVI DÂN 6:10

Thiempu chun a puon zai inhmi silfên inbel a ta, a tisa inkhumna dingin a puon zai inhmi kekawr chu bun a ta; chun, mâichâma pumraw- hmang thilinhlân kâng vâmhai chu lâng a ta, mâichâm sîra chun a sie ding a nih.

LEVI DÂN 6:3

annawleh, thil inhmang hmuin, chu thua chun khêl hrilin ṭawng inkhâm ta sienla, hieng thil po po a ieng ieng khawm hi a suksuol a,

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achung- hnungtak thilthawtheina chun hlie- khûng a che; chuleiin, naupang hung pieng ding khawm chu mi inthieng, Pathien Naupa tîng an tih.

PHILIPPI 2:7

mihriemhai anga hung insiengin, suok angin ân siem a, ama le ama ân suktlâwm ta lem a.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna fam- kim neia lungril indiktak putin hnai ei tiu.

HEBRAIHAI 2:14

Chuongchun, naupanghai hi tisa le thisen changtuhai an ni tâwl leiin, ama ngei khawmin chuong bawk chu a chang ve tah a; thînain thîna thuneitu (chu chu Diebol a nih), a sukbohmang theina ding le,

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng naw- na kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim sih a.