LEVI DÂN 16:22 - Pathien Lekhabu Inthieng (BSI)

²² Kêl chun an rîtlona po po chu chêng nawna rama chun phur a ta, kêl chu thlalêra chun ân suo ding a nih.

LEVI DÂN 16:22 ပူးပေါင်းရင်းမြစ်များ

INPÂKNA HLABU 103:10

Ei suolnahai angin ei chungah a thaw nawh a, Ei rîtlona angin a mi thung bawk nawh.

INPÂKNA HLABU 103:12

Sak le thlang ân hlat angin, Ei bawsietnahai chu ei kuoma inthawkin a sie hmang dai tah a.

EZEKIEL 18:22

A bawsietnahai po po a ieng khawm chu ama chunga chun hriet zing ni ta naw nih a, chun, a felna a ithaw ngeia chun ama chu hring a tih.

EZEKIEL 4:4

“Chu nawa chun, i vawitieng delin zâl la, i chunga chun Israel sûngkaw suolna chu innghat rawh; chu chu chunga i zâl ni zât ang pei chun, an suolna chu phur i tih.

LEVI DÂN 14:7

inphârnaa inthawka inthien ding chu, thisen chun vawi sari thêng a ta, ân thieng tah tiin phuong a ta; chun, vate hring chu ramah insuong a tih.

LEVI DÂN 16:21

Aron chun kêl hring lai lu chunga chun,a kut a khing pahniin innghat a ta, a chunga chun Israel thlahai rîtlonahai po po, an baw- sietnahai po po, a suolna po po chenin insam a ta, chuonghai chu kêl lu chunga chun innghat a ta, mi pakhat a iruotsa khan thlalêr tieng ṭhuoi hmang dai a tih.

LEVI DÂN 16:23

“Chun, Aron chu intuokna puon ina chun lût a ta, hmun inthieng a lût laia puon zai inhmi silfên a hâk chu hlîp a ta, chutaka chun mâksan a ta;

MIKA 7:19

Ngha kîr nâwk a ta, ei chungah lunginsietna nei a tih; ei khaw- hlonahai chu a ke hnuoiah sirdêng a tih; nangin an suolnahai po po chu tuisuoriet mawng inthûktakhaia chun pei lût i tih.

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok tah a; (“Thinga khaikâng taphawt chu ṭawngsephur an nih,” ti ziek a ni sih a).

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang loin vawi hninaah hung inlang nâwk a tih.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuol- hai chun sukdamin in um tah a.