LEVI DÂN 16:21 - Pathien Lekhabu Inthieng (BSI)

²¹ Aron chun kêl hring lai lu chunga chun,a kut a khing pahniin innghat a ta, a chunga chun Israel thlahai rîtlonahai po po, an baw- sietnahai po po, a suolna po po chenin insam a ta, chuonghai chu kêl lu chunga chun innghat a ta, mi pakhat a iruotsa khan thlalêr tieng ṭhuoi hmang dai a tih.

LEVI DÂN 16:21 ပူးပေါင်းရင်းမြစ်များ

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el sih a.

INPÂKNA HLABU 32:5

Ka suolna chu i kuomah ka phuong a, Ka rîtlona chu ka ip ta nawh a, “Ka bawsietna chu LALPA kuomah thupha châwi tâng ka tih,” ka tih a; Chuongchun, ka suol rîtlona chu i lo ngaidam ta kha.

INPÂKNA HLABU 51:3

Ka bawsietnahai hi ka hriet ta sih a, Ka suol hi ka hmaah a um rawp hlak a nih.

FESUOKNA 29:10

Intuokna puon in tuola chun bâwngchal ṭhuoi i ta, Aron le a nau- pasalhai chun bâwngchal lu chunga chun an kut innghat an tih.

THUVARHAI 28:13

Mi a bawsietna inkhumtu chu hlawtling naw nih a, Thupha chawia, nghatsan hlaktu ruok chun zângaina hmûng a tih.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; LALPA chun ama chunga chun ei rênga khawhlona chu ân nghat tah a.

LEVI DÂN 1:4

Pumrawhmang thilinhlân lu chunga chun a kut innghat a ta; chuongchun, a ta dingin intlanna siemna dingin pawmpêk ning a tih.

LEVI DÂN 16:20

“Hmun inthieng le intuokna puon in le mâichâm puola intlanna a siem zo chun kêl hring lai chu inhlân a ta;

LEVI DÂN 16:22

Kêl chun an rîtlona po po chu chêng nawna rama chun phur a ta, kêl chu thlalêra chun ân suo ding a nih.

LEVI DÂN 26:40

“An suol, ka chunga an suolna lei le, an rîtlona le an pi le puhai rît- lona leh, a mi kal zâwnga an um leia

LEVI DÂN 5:5

Hieng thil pakhata khawm hin thiemnaw a chang pha chun a suolna chu inphuong a ta;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:10

Mihaiin an lungrilin an ring a, felna an hmu hlak, bauin an ṭan a, sandamna an hmu bawk hlak a nih.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.