LEVI DÂN 13:20 - Pathien Lekhabu Inthieng (BSI)

²⁰ Thiempu chun lo en a ta, vun nêka inthûka ân lang a, a hmul chu a hung vâr chun, thiempu chun in- thiengnaw a nih ti a phuong ding a nih; inphârna hri a na, khuoihlia inthawk chun a hung inṭan a nih.

LEVI DÂN 13:20 ပူးပေါင်းရင်းမြစ်များ

LEVI DÂN 13:19

khuoihli umna hmuna chun a hung vâr pâwng amanih, vâr sen deua a hung puor amani khawmin, thiempu inentir ding a nih.

LEVI DÂN 13:2

“Mi a tisa vun ân vûng amanih, ân khir amanih, a puor amaniha, a vuna chun inphâr hri ni âwma ân lang chun thiempu Aron kuoma manih, a naupasal thiempuhai pa- khat phawt phawt kuoma ṭhuoi ding a nih.

LEVI DÂN 13:21

Amiruokchu, thiempu chun a lo en a, hmul vâr a um nawh a, vun nêkin ân thûk nawh a, a duk deu chau a ni chun, thiempu chun ni sari khum hran a ta;

LEVI DÂN 13:3

Thiempu chun tisa vuna hri chu lo en a ta; a hri umna lai hmul chu a hung vâr a, a hri chu tisa vun nêka inthûka ân lang chun inphârna hri a nih a; thiempu chun ama chu en a ta, mi inthieng naw a ni chu a phuong ding a nih.

MATTHAI 12:45

Chu phingleh a va feh a, ama nêka suol lem khawhri dang pasari a hung ṭhuoi a, chutaka chun an lût a, an um zing hlak a, chu mihriem um dân nuhnung lem chu a hmasa nêkin a hung ṭha naw lem hlak a nih. Chuong ang bawkin tulai ruolthar suol takhai chunga hin la um a tih,” tiin a dawn a.

JOHAN 5:14

A nakie chun ama chu Isûn Pathien biekinah a hmuh a, a kuomah, “Ngai rawh, i dam ta hi, thil suksuol nâwk ta naw rawh, chuong- naw chun, thil ṭha naw nâwk zuol i chungah hung um rawi a tih,” a ta.

2 PETER 2:20

Lalpa le Sandamtu Isu Krista an hriet leia khawvêl inthieng nawnahai an tlân suok san hnungin chutaka bawk chun an intâng nâwk a, ngama an um nâwk si chun, an umze nuhnung chu a tîra nêk chun a hung se ta lem nîng a tih.