LEVI DÂN 12:6 - Pathien Lekhabu Inthieng (BSI)

⁶ “Chun, naupasal amanih, naunu- hmei amani leia a inthienna ni a kim pha chun pumrawhmang thilinhlân dingin berâmte kum khat mi le suol inthâwina dingin pârvate amanih, vaṭhu amanih intuokna puon in kawtkhâr bulah thiempu kuomah a hung chawi ding a nih;

LEVI DÂN 12:6 ပူးပေါင်းရင်းမြစ်များ

INṬANNA 15:9

Ama chun a kuomah, “Bâwngla kum thum mi, kêlpui kum thum mi, berâmchal kum thum mi, le vaṭhu le pârva te mi hung lapêk rawh,” a tih a.

LEVI DÂN 12:2

‘Nuhmeiin nau a vawn a, nau- pasal a nei chun ni sari chu inthieng naw nîng a ta; nuhmei dân pângngaia ân thieng naw ang chun inthieng naw nîng a tih.

LEVI DÂN 12:5

Naunuhmei a nei ruok chun nuhmei dân pângngai huna ân thieng naw angin châwlkâr hni chu inthieng naw nîng a tih; chun, thisen leia inthienin ni sâwmruk paruk a la um ta rawp ding a nih.

LEVI DÂN 12:7

ama chun LALPA hmaa chun inhlân a ta, intlanna siempêk a tih; chuongchun, a thisen suoknaa inthawk chun sukthieng ni tâng a tih. Hi hi naupasal amanih, naunuhmei amanih neitu ta dinga dân a nih.

LEVI DÂN 14:22

chun, vaṭhu tuok khat amanih, pârvate tuok khat amanih, a nei thei lem lem chu pakhat chu suol in- thâwina ding, a dang chu pum- rawhmang thilinhlân dingin.

LEVI DÂN 15:14

A ni riet ni chun vaṭhu tuok khat amanih, parvate tuok khat amanih chawiin LALPA hmaa in- tuokna puon in kawtkhâr bula chun hung a ta, thiempu chu a pêk ding a nih.

LEVI DÂN 15:29

A ni riet ni chun vaṭhu tuok khat amanih, pârvate tuok khat amani chawi a ta; intuokna puon in kawtkhâr bulah thiempu a hung pêk ding a nih.

NAMBAR 6:10

Chun, ni riet ni chun intuokna puon in kawtkhârah thiempu kuom- ah vaṭhu tuok khat amanih, pârvate tuok khat amanih a hung chawi ding a nih.

LUKA 2:22

Chun, Mosie dân anga an inthien ni a hung tlung chun ama chu Jerusalemah an hung ṭhuoi a,

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng naw- na kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim sih a.