LEVI DÂN 11:44 - Pathien Lekhabu Inthieng (BSI)

⁴⁴ Kei hi LALPA in Pathien ka ni sih a; chuleiin, insukthieng unla, inthiengin um ro; kei kân thieng sih a; hnuoia chêng, bawkinvâk chi a ieng ieng khawma insukpawrche naw ro.

LEVI DÂN 11:44 ပူးပေါင်းရင်းမြစ်များ

INPÂKNA HLABU 99:5

LALPA ei Pathien chu chawimawi unla, A ke innghatna bula chun chibai bûk ro, Ama chu ân thieng a nih.

INPÂKNA HLABU 99:9

LALPA ei Pathien chu chawimawi unla, A tlâng inthienga chun chibai bûk ro; LALPA ei Pathien chu ân thieng sih a.

FESUOKNA 16:12

“Israel thlahai chiernahai chu ka hriet a, an kuomah, ‘Zântieng chun sa fâng in ta, zîngtieng chun beia sukkhawp nîng in tih, chun LALPA in Pathien chu ka nih ti hrieng in tih’ ti rawh,” tiin.

FESUOKNA 19:10

LALPA chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel thlahai kuoma i hril ding chu,” a tih a.

FESUOKNA 20:2

“LALPA in Pathien, Aigupta ram, suok nina ina inthawka ṭhuoi suoktu cheu ka nih.

FESUOKNA 22:30

Chuong ang bawk chun i bâwngchalhai, i berâmhai i thaw ding a nih; ni sari chu a pui leh um an ta, ni riet ni chun ka kuomah i pêk ding a nih.

FESUOKNA 22:31

“Ka kuoma chun mi inthieng nîng in ta, chuongchun, ramsahai fâk hnung sa hrim hrim chu fa naw ti niu a, uihai kuomah pe lem in tih.

FESUOKNA 23:25

LALPA i Pathien rawng chu bâwl i ta, i tui le beia khawm mal sâwmpêk ka ti che; chun, nangmaa inthawkin natnahai chu la hmang bawk ka tih.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rik- phurna hnuoia inthawka la suoktu cheu, in Pathien LALPA ka nih ti hre tâng in tih.

ISAI 43:3

Kei hi LALPA in Pathien Israel- hai Mi Inthieng, nangni sandamtu ka ni sih a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 51:15

Kei LALPA i Pathien, a fâwnhai chu inri hum hum khawpa tuisuoriet chawklettu chu ka ni sih a; ka hming chu sipaihai LALPA a nih.

LEVI DÂN 10:3

Chuongchun, Mosie chun Aron kuomah, “Hi hi a nih LALPAIN, ‘A mi hnaituhaia chun inthiengin inlang ka ta, mipui po po hmaa chun chawi- mawiin um ka tih,’ tiha a hril kha,” a tih a. Aron chu a to zing a.

LEVI DÂN 11:43

Bawkinvâk chi hrim hrimin in insukpawrche ding a ni nawh; thieng naw in ni nawna dingin anni chun in insukpawrche ding a ni bawk nawh.

LEVI DÂN 18:2

“Israel thlahai be la, an kuomah, ‘Kei hi LALPA in Pathien chu ka nih a.

LEVI DÂN 19:10

In grêp huona lo ṭhelhai in zawng nâwk ding a ni nawh a, in grêp huona a ra ṭilhai in rût khâwm ding a ni bawk nawh; mi rimsihai le ram dang mihai in hlapêk ding a nih; Kei hi LALPA in Pathien chu ka nih.

LEVI DÂN 19:2

“Israel thla, mipuihai po po chu hril la, an kuomah, ‘In inthieng ding a nih, kei LALPA in Pathien hi kân thieng sih a.

LEVI DÂN 19:3

Mi tinin in nu le pa in ṭi ding a na; chun, ka châwlnihai chu in inser ding a nih; Kei hi LALPA in Pathien chu ka nih.

LEVI DÂN 19:4

Milim tieng chun thle naw unla, milim sung fâwm pathienhai in ta dingin insiem naw ro; Kei hi LALPA in Pathien chu ka nih.

LEVI DÂN 20:26

Ka ta dinga mi inthieng in ni ding a nih; kei LALPA chu kân thieng sih a, ka ta in nina dingin hnam danghaia inthawkin ka suktum ta cheu a nih.

LEVI DÂN 20:7

Chuleiin, insukthieng unla in- thiengin um ro; Kei hi LALPA in Pathien chu ka nih.

LEVI DÂN 21:8

Ama chu în hlân thieng ding a na, i Pathien ta dinga fâkmi thilinhlân chu ân hlân hlak sih a. I ta dinga mi inthieng a ni ding a nih. Kei LALPA a sukthiengtu cheu hi kân thieng sih a.

AMOS 3:3

An inrem chau naw chun mi pahni chu an intlawn ding am a nih?

NAMBAR 15:40

ka thupêkhai po po chu in hriet zing a, in zâwm a, in Pathien ta dinga in inthieng theina dingin a nih.

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

DÂN PAHNINA 14:2

LALPA in Pathien ta dingin hnam inthieng in ni sih a, hnuoi chunga hnam po poa ama puol bik ni ding cheuin LALPAIN a thlang cheu in nih.

1 THESSALONIKA 4:7

Pathienin inthieng naw dingin a mi ko si nawh a, inthieng dingin a mi ko lem a nih.

JOSUA 24:19

Josua ruok chun mipuihai kuoma chun, “LALPA rawng chu bâwl thei naw ti niu, ama chu Pathien inthieng a ni sih a; Pathien thîk- thusie a na, in bawsietna dâm le in suolnahai chu ngaidam naw ni.

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.

THUPUONGSUO 22:11

Mi felnaw chu sukfelnawin um zing raw se, mi inthiengnaw chu sukthiengnawin um zing raw se, mi fel chu sukfelin um zing raw se, mi inthieng chu sukthiengin um zing raw se.

1 SAMUEL 2:2

LALPA anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;

1 SAMUEL 6:20

Beth-semes khuoa mihai chun, “Hi Pathien inthieng LALPA hmaa hin tu am ngîr thei a ta, ei kuoma inthawk hi khâwlai am fe suok tâng a ta?” an ta.