LEVI DÂN 1:3 - Pathien Lekhabu Inthieng (BSI)

³ “A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu LALPA hmaa pawm a ni theina dingin intuokna puon in kawt- khâr bula chun ân hlân ding a nih.

LEVI DÂN 1:3 ပူးပေါင်းရင်းမြစ်များ

INṬANNA 22:13

Chun,Abraham chu a hang nghah a, a en a; a hnungtieng chun berâmchal a ki thinghnawka lo intâng tlat hi a hmuh a: chuongchun, Abraham chun berâmchal chu a va man a, chu chu a naupa aiah pumrawhmang inhlânna ding chun a hmang tah a.

INṬANNA 22:2

Chun, Pathien chun, “I naupa, i naupasal nei sun, i lunginsiettak, Isak ngei kha ṭhuoi la, Moria rama chun fe la, chutaka chun tlâng pakhat hril ka ti cheh a, pumrawhmang inhlânah inhlân rawh,” a tih a.

INṬANNA 22:8

Abraham chun, “Ka naupa, Pathienin ama ta dinga pumraw- hmang inthawina ding berâmte chu ngaituo fâwm el a tih,” a tih a: chuong- chun, an pahni chun an fe pei tah a.

INṬANNA 8:20

Chun, Noa chun LALPA ta dingin mâichâm a siem a; chun, sa thieng tinrêng laia mi le, vate thieng tinrêng laia mi a lâk a, mâichâma chun pumrawhmang thilinhlânhai ân hlân tah a.

2 CHANCHIN SUINA 29:32

Mipuiin pumrawhmang thilin- hlân an hung lâk zât chu bâwngchal sâwmsari, berâmchal za khat, berâmte za hni an na; hienghai po po hi LALPA kuoma pumrawhmang thilinhlân dinga pêk an nih.

2 CHANCHIN SUINA 35:12

Chun, pumrawhmang thilin- hlânhai chu an sie hmang a, Mosie lekhabua ziek anga LALPA kuoma inhlân dinga, chu hnam thlahai pahnam inṭhe dân ang peia an pêk suok theina dingin. Chuongchun, bâwngchalhai khawm chu chuong ang bawk chun an thawh a.

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

INPÂKNA HLABU 40:8

Aw ka Pathien, i dit zâwng thaw hi ka lâwm zâwng tak a nih: Anih, i dân thu chu ka lungril- ah a um zing ie,” ka ta.

FESUOKNA 12:5

In berâmte chu a chal kum khat mi, demkailo a ni ding a nih, kêl ruol laia inthawkin, annawleh, berâm ruol laia inthawkin la tum in tih,

FESUOKNA 24:5

Chun, Israel thla tlangvâlhai chu a tir a, LALPA kuomah rawhmang thilinhlân an inhlân a, inremna thilinhlân dingin bâwngchalin an inthâwi bawk a.

FESUOKNA 29:18

berâmchal chu a pumin mâi- châm chunga chun rawng i tih: LALPA kuoma pumrawhmang thil- inhlân a na, LALPA kuoma meia thil inhlân riminhnik a nih.

FESUOKNA 29:4

Aron le a naupasalhai chu in- tuokna puon in kawtkhâra chun hung ṭhuoi i ta, tuiin însiltir i tih.

FESUOKNA 29:42

Chu chu i thlahai chena dingin LALPA hmaha intuokna puon in kawtkhâra pumrawhmang thilinhlân chu ni zing a tih; chutaka chun intuokpui ka ti che.

FESUOKNA 32:6

A zînga chun inhmatakin an tho a, pumrawhmang thilinhlânhai chu an inhlân a, inremna thilinhlânhai chu an hung lâk tah a: chuongchun, mipui chu fa ding le dâwn dingin an ṭhung a, inhnel dingin an tho tah a.

FESUOKNA 35:21

Mi tin a lungril phûr tak le mi tin a lungrila inhâwkna nei taphawt chu an hung a; intuokna puon in sina ding le, chutaka rawngbâwlna po poa ding le, silfên inthieng dinga hmang ding LALPA thawlâwm chu an hung chawi a.

FESUOKNA 35:29

Israel thlahai pasal tin le nu- hmei tin an lungrila pêk nuomna neihai chun LALPAIN Mosie hmanga thu a pêk tah sin po po thâwnaa dingin anni nuomthua LALPA ta dinga thilpêk chu an hung pêk a.

FESUOKNA 35:5

‘Nangni lai LALPA kuoma thilpêk ding dâwl ro, mi tukhawm lungrila pêk inhâwkna nei chun LALPA kuoma thilpêk chu hung chawi sienla, rângkachak, tangkaruo le dârsen:

FESUOKNA 36:3

Anni chun Israel thlahaiin Hmun Inthieng bâwlnaa hmang dinga nuomthua thilpêk an hung chawihai po po chu Mosie kuoma inthawkin an lâk a. Zîng tinin ama kuoma chun mâni nuomthua thilpêk chu an la hung chawi zing a.

FESUOKNA 38:1

Shittim thingin pumraw- hmang thilinhlânna mâichâm a siem a; a seitieng tawng nga, a lientieng khawm tawng nga, killi nei a nih. Ân sângtieng chu tawng thum a nih.

ISAI 1:11

LALPA chun, “In inthâwina zozai hi ka ta dingin ieng am a ṭhang- kaina a um a? Berâmchal pumraw- hmanga inhlân le, ran châwm thâu- hai thâu chu ka nghawk tah; bâwng- chalhai le berâmte le kêlchalhai thisena hin ka lâwm ta nawh.

EZEKIEL 20:40

Lalpa PATHIEN chun a tih: Ka tlâng inthieng, Israel tlâng insânga chun Israel sûngkuohai po po chu, an rêngin chu rama chun ka rawng bâwl tâng an ta, chutaka chun anni chu lâwm ka ta, chutaka chun in thilin- hlânhai chu, in rahmasa inthâwi- nahai le in thil inthienghai po po le chun pawimawsak tâng ka tih.

EZEKIEL 40:39

Chun, dâi kawtkhâr tuolpûk lûtnaa chun, hi tieng sîrah dawkân pahni, khing tieng sîrah dawkân pahni bawk, pumrawhmang thilin- hlân dâm, suol thilinhlân dâm, baw- sietna thilinhlân dâm thatna dingin a um a.

LEVI DÂN 1:10

“A thilinhlân chu pumrawhmang thilinhlân dinga ran ruol laia mi, berâm amanih, kêl amanih a ni chun, a chal demkailo ân hlân ding a nih.

LEVI DÂN 14:10

“Chun, ni riet ni chun berâmte a chal pahni demkailo le berâmte a la pakhat, demkailo kum khat mi le, fâkmi thilinhlân dinga beiphit indi- tak epha hmun sâwma ṭheha hmun thum hrieka hmet le hriek limlai khat a chawi ding a nih.

LEVI DÂN 16:7

Kêl pahni chu kei a ta, intuokna puon in kawtkhâr bulah LALPA hmaah sieng a tih.

LEVI DÂN 17:4

LALPA riebûk hmaa LALPA ta dinga thilinhlâna intuokna puon in kawtkhâr bula hung la naw taphawt chu, ama chu thisen insuoa ngai nîng a tih; thisen insuo ngei a na, ama chu a chipuihai laia inthawkin tuithlârin a um ding a nih.

LEVI DÂN 17:8

Chun, an kuomah hril la, Israel sûngkuo laia mi hrim amanih, ram dang mi anni laia khawsahaiin amanih, pumrawhmang thilinhlân amanih, inthâwina amanih ân hlân a,

LEVI DÂN 17:9

LALPA kuoma inthâwi dinga intuokna puonin kawtkhâr bula hung la lo chu, ama ngei chu a chipuihai laia inthawka tuithlârin a um ding a nih.

LEVI DÂN 23:12

Buphal in thên ni chun berâmte a chal demkailo kum khat mi, pum- rawhmang thilinhlân dingin LALPA kuomah in inhlân ding a nih.

LEVI DÂN 23:18

Bei inhlân ruol chun berâmte pasari, demkailo kum khat mi ṭhieu le, bâwng tuoi pakhat le berâmchal pahni khawm in inhlân ding a nih; chuonghai chu, an fâkmi thilinhlân le an dâwnmi thilinhlânhai le chun, LALPA ta dinga pumrawhmang thilinhlân, LALPA ta dinga rim inhniktak, mei hmanga thil inhlân nîng a tih.

LEVI DÂN 3:1

“A thilinhlân chu inremna thilin- hlân inthâwina a na, bâwng ruol laia mi ân hlân chun, a pui amanih, a chal amanih khawm ni sien, LALPA hmaa demkailo ân hlân ding a nih.

LEVI DÂN 4:15

Chun, mipuihai upahai chun LALPA hmaah bâwng lu chunga chun an kuthai innghat an ta, bâwng chu LALPA hmaa chun that ding a nih.

LEVI DÂN 4:23

a thilsuol thaw chu inhriettir a ni chun a thilinhlânah kêlchal, demkailo hung kei a ta;

LEVI DÂN 4:3

a suksuoltu chu hriek nâla um thiempu a nih a, mipuihai chungah thiemnaw inchangna ân tlungtir chun, a thil suksuol tah suol in- thâwina ding chun, LALPA kuomah bâwng tuoi demkailo inhlân raw se.

LEVI DÂN 4:32

“Suol inthâwina dinga a thil- inhlâna berâmte a hung chawi chun, a la demkailo a hung chawi ding a nih.

LEVI DÂN 5:15

“Tukhawmin thil a suksuol a, LALPA thil inthienghai chunga a suol pal chun, a bawsiet inthâwina dingin, a ruol laia mi berâmchal demkailo, hmun inthieng shekel anga tangka shekel iemani zât hua ngai chu, LALPA kuomah a hung kei ding a nih; chu chu bawsiet inthâwina a nih.

LEVI DÂN 5:18

Berâm ruol laia mi berâmchal demkailo, i ngaia âwmtâwk, bawsiet inthâwina ding chun thiempu kuom- ah a hung kei ding a nih; chun, thiempu chun, hre loa a thaw pal chungchânga chun intlanna siempêk a ta, ngaidam nîng a tih.

LEVI DÂN 6:2

“Tukhawma thil suksuolin, LALPA thu bawse ta sienla; sum inkawltir thu amanih, hlêp thu amanih, inrûk thu amaniha tuol- bâwmhai hlêmin, mâni tuolbâwmhai lo nêksâwr ta sienla,

LEVI DÂN 6:8

LALPA chun Mosie a biek a,

LEVI DÂN 7:16

Amiruokchu, a thilinhlân in- thâwina chu thutiem amanih, mâni nuomthua thilinhlân amanih a ni chun, ân thâwina ân hlân ni ngei chun fâk ding a nih; fâk mahla chu a zîng tûka fâk ding a nih;

LEVI DÂN 8:18

Pumrawhmang thilinhlân be- râmchal chu a hung inhlân a, Aron le a naupasalhai chun berâmchal lu chunga chun an kut an innghat a.

LEVI DÂN 8:21

A sûng le a kehai chu a sâwp a; berâmchal chu mâichâmah a pum chun a raw vawng tah a; chu chu rim inhnik dinga pumrawhmang thilin- hlân, LALPA kuoma mei hmanga thilinhlân chu a nih, LALPAIN Mosie thu a pêk ang khan.

LEVI DÂN 9:2

Aron kuoma chun, “Suol in- thâwina dingin bâwngte a chal, le pumrawhmang thilinhlân dingin berâmchal demkailo ve ve kei la, LALPA hmaa chun inhlân rawh.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai LALPA chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MALAKI 1:14

Amiruokchu, a berâm ruol lai a chal, tiemkam sa tah neia, LALPA kuoma demuma inthâwi a, hlêmtu chu ṭawngsephurin um raw se: lal ropuitak ka ni sih a, ka hming khawm Jentailhai kuom chena khawm ṭi a um a nih, sipaihai LALPA chun a tih.

NAMBAR 15:3

LALPA kuomah meia thilinhlân, pumrawhmang thilinhlân amanih, thutiem hlen dinga inthâwina ama- nih, mâni nuom thua thilinhlân ama- nih, in Fekân ruoiṭhe hunbia manih, ran ruol laia mi amanih, berâm ruol laia mi amaniha LALPA ta dinga riminhnik siem ding amaniha an inhlân pha chun,

NAMBAR 15:8

Pumrawhmang thilinhlân ama- nih, thutiem hlen dinga inthâwina amanih, LALPA kuoma inremna thilinhlân ding amaniha bâwngchal in buotsai pha chun,

NAMBAR 19:2

“Hi hi LALPA thupêk dân chu a nih: Israel thlahai chu bâwngla sen, demkailo, hmêlhemlo, ringkawl la bât dêr lo hung kei dingin hril rawh.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk nawh a, A hril ta chu a thaw naw ding am a nih? A lo hril ta chu a sukpuitling naw ding am a nih?

NAMBAR 23:27

Chun, Balak chun Balaam kuomah, “Hung ta, hmun dangah ṭhuoi phawt ka ti che. Chutaka inthawk chun ṭawngsie i mîn phûr- pêk Pathien chun a phal khiet rawi mawh,” a ta.

NAMBAR 23:3

Balaam chun Balak kuomah, “I pumrawhmang thilinhlân bula hin lo ngîr zing la, kei chu hang fe tum ka ta, LALPA chu mi be dingin a hung el khawm a ni thei a; chun, a mi hril taphawt chu hril ka ti che,” a ta. Chuongchun, tlâng kawl vel vula hin a hang fe tah a.

NAMBAR 23:30

Chun, Balak chun Balaam hril ang chun a thawh a, mâichâm tina chun bâwngchal pakhat le berâmchal pakhat ân hlân a.

NAMBAR 28:11

In thla thar taphawtah LALPA ta ding pumrawhmang thilinhlân inhlân ding a nih; bâwngchal tuoi pahni le berâmchal pakhat kum khat mi demkailo pasari;

NAMBAR 28:19

meia thilinhlân pumrawhmang thilinhlân ruok chu LALPA kuomah in inhlân ding a nih; bâwngchal tuoi pahni le berâmchal pakhat le berâmte a chal kum khat mi pasari, demkailo a ni ngei ding a nih;

NAMBAR 28:31

(Demkailo an ni ngei ding a nih). Pumrawhmang thilinhlân le dâwn ding thilinhlân zing le chutaka beiphit thilinhlân le dâwnmi thilin- hlân bâkah inhlân ding a nih.

NAMBAR 29:13

chun, LALPA ta dinga rimin- hnika meia thilinhlân, pumraw- hmang thilinhlân in inhlân ding a nih, bâwngchal tuoi sâwmpathum, berâmchal pahni, berâmte a chal kum khat mi sâwmpali; demkailo an ni ngei ding a nih;

NAMBAR 29:2

LALPA ta dinga riminhnika pumrawhmang thilinhlân inhlân in ta; bâwngchal tuoi pakhat, berâm- chal pakhat, berâmte a chal kum khat mi demkailo pasari,

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achung- hnungtak thilthawtheina chun hlie- khûng a che; chuleiin, naupang hung pieng ding khawm chu mi inthieng, Pathien Naupa tîng an tih.

JOHAN 1:36

chun, Isu invâk vêl lai chu an en a, “En ta u, Pathien Berâmte saw,” a ta.

JOHAN 10:7

Chuongchun, Isûn an kuomah a hril nâwk a, “Titakzetin, titakzetin ka hril cheu hi, kei hi berâm kawtkhâr chu ka nih,

JOHAN 10:9

Kei kawtkhâr chu ka nih; tûkhawm keimaah a lût chun, humhimin um a ta, lûtin suok a ta, fâk ding hmu bawk a tih.

2 KORINTH 8:12

Inzona chu a um phawt chun, mi a nei naw sa ni loin, a neizie ang peia a pêk chu lâwm tlâk a ni sih a.

2 KORINTH 9:7

Mi tinin inro puma pe loin, pêk naw thei naw anga ngaia pe bawk loin, an lungrila an tum ang peiin pe seng raw se; Pathien chun hlimtaka petu chu a nih a hmangai chu.

EPHESI 2:18

Ama zârin Thlarau hmunkhata, Pa kuoma lût theina ei nei ve ve a nih.

EPHESI 5:27

fainawna kai lo le, zûr lo le, chuong ang thil hrim put loa, inthieng le hmêlhem nawa um lemin, ama kuoma vêk kohran ropui taka a pêk theina dingin.

DÂN PAHNINA 12:27

Chun, LALPA in Pathien mâichâmah in pumrawhmang thilin- hlân chu, a sa le a thisen inhlân in ta, chun in inthâwinahai thisen chu LALPA in Pathien mâichâma chun bun suok in ta, a sa chu fâng in tih.

DÂN PAHNINA 15:21

Dem kaina nei, a ke inbai amanih, a mit indel amanih, dem kaina ieng ang khawm nei taphawt chu LALPA in Pathien kuomah inthâwina dingin in hmang ding a ni nawh.

DÂN PAHNINA 17:1

“Bâwngchal amanih, berâm amanih, demkâi le ṭhat nawna hrim hrim nei chun LALPA in Pathien kuomah in inthâwi ding a ni nawh; chu chu LALPA in Pathien ta dingin thil tirdakum a ni sih a.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng naw- na kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim sih a.

HEBRAIHAI 9:14

Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!