KOLOSSA 4:1 - Pathien Lekhabu Inthieng (BSI)

¹ Hotuhai, nangni khawm vânah hotu in nei ti hrein, in suokhai chungah a fel le a mâwitâwk chu thaw ro.

KOLOSSA 4:1 ပူးပေါင်းရင်းမြစ်များ

THUHRILTU 5:8

Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing sih a, anni nêka insâng lem khawm chu an la um pei a nih.

ISAI 58:3

‘Ieng leiin am bu kan nghei a i hriet si naw a, ieng leiin am kan insukrimsih a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

LEVI DÂN 19:13

“I tuolbâwmhai i hnawchêp ding a ni nawh a, în rûkpêk ding a ni bawk nawh. Inhlawfa hlaw chu zânkhuoin a zînga chen i hrênpêk ding a ni nawh.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

MATTHAI 20:4

an kuomah, ‘Nangni khawm grêp huonah va fe ta u, a mawi tâwk ang pei pêng ka ti cheu,’ a ta. Chuongchun, an fe tah a.

LUKA 19:15

“Chun, ram awpna thu chu a lâka a hung kir nâwk chun, a suok tangka a ipêkhai chu, an sukpung dân inhrietna dingin ân kotir a.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.

JAKOB 5:4

Ngai ta u, in loa bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût tah a.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, ko- hai, thlanghai, ringumhai chun hne bawk an tih,” a tih a.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.