KOLOSSA 2:18 - Pathien Lekhabu Inthieng (BSI)

¹⁸ Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

KOLOSSA 2:18 ပူးပေါင်းရင်းမြစ်များ

INṬANNA 3:13

Chun, LALPA Pathien chun nuhmei kuoma chun, “I thilthaw hi iengtizie am a na?” a ta. Nuhmei chun, “Rûlin a mi hlêm a ka fâk tah a nih,” a ta.

JOB LEKHABU (THE BOOK OF JOB) 38:2

“Hrietna bo thuhaia, Thurâwn sukthimtu hi tu am a ni leh?

ISAI 57:9

Chun, hriek leh lal kuomah i feh a, i riminhnikhai chu i thaw nasa zuol a, i palaihai chu hlatakah i tir a, Seol tlung rakin în sukhnuoi kha.

EZEKIEL 13:3

LALPA chun hieng hin a tih: zâwlnei invêt, iengkhawm hmu si loa mâni ngaidân ngawt zâwmtu chu a chung a rik!

DANIEL 11:38

Nisienlakhawm, ama hmuna chun kulhai pathien chu inza thung a ta, a thlatuhaiin pathien an hriet ngainaw chu thil ṭhahai le, lungman- tamhai le, tangka le rângkachakin chawimawi a tih.

NAMBAR 25:18

Kozbi chungchâng thua var vervêka an hlêm chêu ang khan an la hlêm ta rawp si chêu leiin,” tiin.

MATTHAI 24:24

Krista tehlêm le zâwlnei te- hlêmhai an hung suok ding a ni sih a; thei hai sien la chu, thlanghai rau khawm an hlêm theina dingin inchik- na le thilmak ropuitakhai thâwng an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:25

Pathien thutak chu khêla inchangtirin, a siemtu biek nêkin a isiemhai chu bein an rawng an bâwl ta lem sih a. A siemtu chu kumkhuoa inpâk tlâk a nih! Amen.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl nawh a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

1 KORINTH 13:4

Hmangaina chu a dawthei a, ngil a nei a, hmangainain a îtthîk nawh a; hmangaina ama le ama ân pak ngai nawh a, a uong nawh a,

1 KORINTH 3:3

Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?

1 KORINTH 4:18

Chun, kei in kuoma hung nâwk ta naw ding ang elin ṭhenkhat in uong a nih.

1 KORINTH 4:6

Chun, unauhai, thu ziekhai chu in hmu khûm nawna dingin, keinia hin in inchûk theina dingin, chuong thuhai chu in ṭhatna dingin kei le Appolo kân bel a nih, nangni laia tûkhawmin pakhat suonga pakhat in uongkhum nawna dingin.

1 KORINTH 8:1

Chun, milimhai kuoma inthâwina thilhai thu kha chu: Ei rêngin hrietna ei nei seng ti ei inhriet a. Hrietna hin chu mi a sukuong hlak a, lunginsietna ruok chun mi a siem ṭha hlak.

1 KORINTH 9:24

Intlânsiekhai chu an rêngin an tlân a; nisienlakhawm, pakhat chauin lâwmman a hmu hlak ti in hriet naw am a nih? In hmu theina dingin chuong ang tak chun tlân ro.

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

2 KORINTH 12:20

Ka hung phaa ieng amani tiin ka dit angin hung hmu naw rawi ka ti cheu a, kei khawm in dit angin mi hmu naw rawi in tih, ti le, ieng amani tiin, inhalnahai, inthîknahai, lung- sennahai, inkhingnahai, inrêlnahai, inberua thu lâknahai, inngaihlut taluotnahai, buoinahai hung um rawi a tih ti le;

EPHESI 4:17

Chuongchun, hi hi ka hrilin Lalpaa chun kân hriettir cheu a nih: Jentailhai chu lungril hmanglo puta an um angin um ta naw unla,

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak sih a.

DÂN PAHNINA 29:29

Thil inthuphai chu LALPA ei Pathien ta a na, thil suklanghai ruok chu hi dân thu po po hi ei zâwm theina dingin eini le ei thlahai ta kumkhuo ding a nih.

PHILIPPI 3:14

Krista Isua Pathien chungtieng kona san lâwmman hmu dingin, tiem chin tieng chu ka pan ṭâl ṭâl a nih.

KOLOSSA 2:23

Hieng vântirko biek ding ti dâm, mâni insukhnuoi ti dâm le, tak- sa sukrinum ding tihai hi thaw âwm takin ân lang ngei; nisienlakhawm, taksa nuom zâwng hnêna ding chun iengkhawm a ṭhahnem chuong dêr nawh.

KOLOSSA 2:4

Tûkhawma bau thiema an hlêm nâwna ding cheuin, chuong chu ka ti a nih.

KOLOSSA 2:8

Fimkhur ro, chuong naw chun, tûkhawmin Krista thu ang ni loin, mihriem thurosie le khawvêl A AW B ang lemin an thu var le hlêmna mei meiin râl lâkin la rawi an ti cheu.

1 TIMOTHE 1:7

An thu hril umzie le ngamtaka an thu hril chanchin chu hre si loin, Dân inchûktirtuhai ni an nuom hlak a nih.

1 TIMOTHE 4:1

Nisienlakhawm, Thlarau chun chiengtakin a hril: nakie pha chun mi ṭhenkhathai chun ṭhuoi hmangna thlarauhai le khawhrihai inchûktirna thu ngaisakin ringna chu la bânsan an tih, mi khêlhliphai vervêkna leiin ti hi.

2 PETER 2:14

mit uirea sip, suol bân thei naw- hai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

1 JOHAN 2:26

Chuong nangni ṭhuoi hmang tumtuhai thu chu, in kuomah ka ziek a nih.

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.

THUPUONGSUO 13:14

Hnuoia umhai kuomah, Sa- hrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chan- pui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni sih a,” a ta.

THUPUONGSUO 3:11

Ka hung vak ding a nih, tû- khawmin i lallukhum chu an lâkpêk nawna ding chein, i thil nei sa kha kawl tlat rawh.