KOLOSSA 2:14 - Pathien Lekhabu Inthieng (BSI)

¹⁴ Batna lekha thupêka ziek, ei chunga um a mi kal hlaktu chu a thaibo ta sih a; chu ngei chu krawsa hemdein a lâk hmang tah a.

KOLOSSA 2:14 ပူးပေါင်းရင်းမြစ်များ

NEHEMIA 4:5

an bawsietnahai chu inkhum naw la, an suolnahai chu i hmaa inthawka thaihmangin inumtir naw rawh; kul siemtuhai hmaah an suk- lungsen che hi.

ESTHER 3:12

Chun, thla khatna, ni sâwmpa- thum ni chun lal lekhaziektuhai chu ko an ni tah a, chi tinhai lalhai kuoma le, rambung tina rorêltuhai kuoma le, lal ram awptuhai kuoma chun Hamanin thu a pêk ang taphawt chun lekha chu ziek a ni tah a, rambung tinah chutaka inziek ang tak le, chi tin kuomah an ṭawng ang ngeiin; lal Ahasuer hminga ziek a na, lal kutsebi ngeia namdet a ni bawk a.

ESTHER 8:8

Chuongchun, ṭha in ti angin, lal hmingin Judahai kuoma chun lekha ziek unla, lal kutsebi hin nam ro; lal hminga lekha ziek a, lal kutsebia nam chu, tukhawma an sukdanglam thei âwm si nawh a,” a ta.

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 51:9

Ka suolnahaia inthawk hin i hmai thup la, Ka rîtlona po po hi thaihmang rawh.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

NAMBAR 5:23

Chun, thiempu chun chuong ṭawngsie thuhai chu lekhabuah ziek a ta, khâkna tui chun inchieng a tih:

LUKA 1:6

An pahni chun Pathien mit- hmuah feltakin an um a, sawisêlboin Lalpa thupêk le a dân po po zâwmin an um hlak.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

KOLOSSA 2:20

Khawvêl dânhai chu Krista kuoma in thi san ve ta chun, iengdinga khawvêla la hring anga hieng thupêk,

2 THESSALONIKA 2:7

Dân bawsietna thurûk chun tu khawm hin sin a thaw zing a ni sih a; nisienlakhawm, a khaptu chun lâk hmanga a um hma poin khap a ta.

HEBRAIHAI 7:18

A hrât naw le a ṭhathnem nawna leiin thupêk um hmasa chu peiin a um a.

HEBRAIHAI 8:13

“Thuthlung thar,” tiin a hril lei khan a hmasa chu a sukhlui tah a nih. Chuongchun, hung hluia hung upa ta chu a bo vâng vâng ta a nih.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuol- hai chun sukdamin in um tah a.