JOSUA 8:33 - Pathien Lekhabu Inthieng (BSI)

³³ Chun, Israelhai po po, an upa- hai le hotuhai, an rorêltuhai leh, Levi chi thiempuhai, LALPA thuthlungna bâwm zâwntuhai hmaah, bâwm khingtieng khingtieng panga chun hnam danghai le, chu rama pienghai khawm chu an ngîr hmunkhat seng a. A zâtve chu Gerizim tlâng pangah an um a, a zâtve chu Ebal tlâng pangah an um a, LALPA siehlaw Mosiein Israelhai chu mal a sâwmpêk ding a nih tia thu a lo pêk tah ang khan.

JOSUA 8:33 ပူးပေါင်းရင်းမြစ်များ

FESUOKNA 12:49

A ram mi hrim le hnam dang mi nangni laia khuolchâm ta ding khawmin dân pakhat chau a um,” a tih a.

LEVI DÂN 24:22

Ram dang mihai le a ram mihai ta dingin dân hmunkhat in nei ding a nih; kei hi LALPA in Pathien chu ka ni sih a,’ ti rawh,” tiin.

NAMBAR 15:15

In thlahai chena mipuihai le hnam dang in kuoma umhai ta ding khawma dân angkhat chau a um ding a nih; LALPA hmaah hnam danghai chu nangni ang chie nîng an tih.

NAMBAR 15:16

In ta ding le in kuoma hnam dang umhai ta dingin dân hmunkhat le thaw dân hmunkhat chau um a tih,’ ti rawh,” tiin.

NAMBAR 15:29

Hre loa suksuoltu ta dingin Israel thla chu rama pienghai ta dingin le hnam dang mi anni laia umhai ta ding khawma dân angkhat in nei ding a nih.

JOHAN 4:20

Keini thlatuhai chun hi tlânga hin Pathien chibai an bûk hlak; nisienlakhawm, nangni chun, ‘Mihriemin Pathien chibai an bûkna hmun ding chu Jerusalemah a um,’ in ti hlak,” a ta.

DÂN PAHNINA 11:29

“Chun, in va hluo ding rama LALPA in Pathienin a ṭhuoi lût pha cheu chun, malsâwmna chu Gerizim tlângah sieng in ta, ṭawngsie chu Ebal tlângah.

DÂN PAHNINA 31:12

Mipuihai, nuhmei, pasal, in nau le tehai, in umpui ram dang mihai, anni chun an ngai a, an inchûk a, LALPA an Pathien chu an ṭi a, hi dân thu po po hi fîmkhurtaka an zâwm theina dingin;

DÂN PAHNINA 31:25

thuthlung bâwm zâwntu Levi mihai chu Mosie chun thu a pêk a,

DÂN PAHNINA 31:9

Chun, Mosie chun chu dân chu a ziek a, LALPA thuthlung bâwm zâwntu Levi naupa, thiempuhai le Israel upahai po po chu a pêk a.

JOSUA 23:2

Josua chun Israel mipuihai po po, an upahai le an lusahai le, an rorêltuhai le an hotuhai chu ân kotir a, an kuomah, “Kei chu ka upain ka lo tar tah a,

JOSUA 24:1

Chun, Josua chun Israel hnamhai po po chu Sekema chun a ko khâwm a. Israelhai upahai, an lusahai, an rorêltuhai, an hotuhai chu ân kotir a; Pathien hmaah an hung inlang tâwl a.

JOSUA 3:14

Mipuihai chu Jordan vadung kai dinga an puon inhaia inthawka an suok chun, thuthlung bâwm zâwn- tu thiempuhai chu mipui hmaa chun an feh a, bâwm zâwntuhai chu Jordan an va tlung a,

JOSUA 3:3

“LALPA in Pathien Thuthlung bâwm le thiempu Levi mihaiin an zâwn lai in hmu pha chun in umna hmuna inthawk hin insawn unla, zui el ro.

JOSUA 3:6

Chun, Josua chun thiempuhai kuoma chun, “Thuthlung bâwm hi zâwn unla, mipuihai hmaah fe ro,” a ta, a hril a. Chuongchun, thuthlung bâwm chu an zâwn a, mipui hma chu an ṭhuoi tah a.

JOSUA 4:10

Mosien Josua kuoma thu a lo pêk ta po po anga, LALPAIN mipui- hai kuoma hril dinga Josua thu a pêk chu thaw vawng a ni hmakhat chun thiempu bâwm zâwntuhai chu Jordan vadung lailunga chun an ngîr zing el a. Chuongchun, mipuihai chu an insukhmawh a, an kai tâwl tah a.

JOSUA 4:18

Thiempuhai LALPA thuthlung bâwm zâwntuhai chu Jordan vadung- a inthawka an hung suok a, thiem- puhai ke chun khawmuol chu a sir char leh Jordan tuihai chu an luong pângngaiin an hung luong nâwk a, a hma ang bawk khan a kuong sip chun a luong liem nâwk ta dum dum a.

JOSUA 6:6

Chun, Nun naupa Josua chun thiempuhai chu a ko a, an kuomah, “Thuthlung bâwm hi zâwn unla, thiempu pasariin LALPA bâwm hmatienga chun berâmchal ki taw- tawrâwt pasari chawi raw se,” a ta.