JOSUA 8:31 - Pathien Lekhabu Inthieng (BSI)

³¹ Mosie dân lekhabua ziek ta anga, LALPA siehlaw Mosien Israel thlahai chu a lo pêk ta ang khan; chu mâichâm chu lung sut lo, tukhawma a chunga thîr an lân let ngailo a na; chutaka chun LALPA ta dingin pumrawhmang thilinhlânhai an in- hlân a, inremna thilinhlânhaiin an inthâwi a.

JOSUA 8:31 ပူးပေါင်းရင်းမြစ်များ

2 LALHAI 14:6

amiruokchu, chuong tuolthat- tuhai nauhai ruok chu a that nawh a; Mosie dân bua, “Nauhai leiin pahai sukhlum ding a ni nawh a, pahai leiin nauhai sukhlum ding a ni bawk nawh a, mi tin chu mâni suol leiin an thi ding a nih,” tiha LALPA thupêk dân ziek ang khan.

2 LALHAI 22:8

Chun, thiempu laltak Hilkia chun lekhaziektu Saphan kuomah, “LALPA ina dân lekhabu chu ka hmu tah,” a ta. Chun, Hilkia chun lekhabu chu Saphan kuomah a pêk a, ama chun a tiem tah a.

2 CHANCHIN SUINA 25:4

Nisienlakhawm, an nauhai chu a that nawh a, LALPA thupêk ang a, Mosie lekhabua dâna ziek angin a thaw lem tah a; “Nauhai ta dingin pahai chu thi naw ni hai a, nauhai chu pahai ta dingin thi bawk naw ni hai; amiruokchu, mi tin mâni suolna senga ding chun thi lem an tih,” tiin.

2 CHANCHIN SUINA 35:12

Chun, pumrawhmang thilin- hlânhai chu an sie hmang a, Mosie lekhabua ziek anga LALPA kuoma inhlân dinga, chu hnam thlahai pahnam inṭhe dân ang peia an pêk suok theina dingin. Chuongchun, bâwngchalhai khawm chu chuong ang bawk chun an thawh a.

EZRA 6:18

Mosie lekhabua ziek a ni angin, thiempuhai chu an pâwl sengin, Levi mihai chu an chanpuol ang sengin Pathien rawngbâwl ding chun an sie tah a.

NEHEMIA 13:1

Chu ni chun mipui na hrieta chun Mosie lekhabu an tiem a; chutaka chun Ammon mihai le Moab mihai chu Pathien mihai in- khâwmnaa chun ieng lai khawmin an ṭhang ve dêr ding a ni nawh ti hi a chuong a;

FESUOKNA 18:12

Chun, Mosie tarpupa Jethro chun inthâwinahai le pumrawhmang thilinhlânhai Pathien ta dingin a lâk a; chun Aron chu Israel upahai po po leh Pathien hmaha Mosie tarpupa le bei fa dingin an hung tah a.

FESUOKNA 24:5

Chun, Israel thla tlangvâlhai chu a tir a, LALPA kuomah rawhmang thilinhlân an inhlân a, inremna thilinhlân dingin bâwngchalin an inthâwi bawk a.

MATTHAI 12:26

Setanin Setan bawk a hnawt dawk chun, mâni indo nîng a tih in sawnnaw; a ram chu iengtin am ngîr suok a ta?

DÂN PAHNINA 27:2

LALPA in Pathienin ram a pêk cheua fe dinga Jordan in kai ni chun lung lien tak tak phun in ta, lung chârna in nâl ding a nih.

DÂN PAHNINA 27:8

Lung chunga dâm chun hi dân thu po pohai hi chieng takin in ziek ding a nih,” tiin.

JOSUA 1:8

Hi dân bu hin i bâu chu suoksan hlek naw sienla, chu thu ziekhai po po chu i zâwm tlat theina dingin sûn le zânin i ngaituo ding a nih, chuong- chun, i lampuihai chu suktluong pei i ta; i hung tluongtlung pei ding a nih. Thu ka pêk che a ni naw am a nih?