JOSUA 8:20 - Pathien Lekhabu Inthieng (BSI)

²⁰ Chuongchun, Ai mihai chun an hnungtieng an hei thlîr chun, khaw- pui khu vântienga tung ngut ngut el chu an hmu tah a, khawtieng tienga khawm tlân theina hrim hrim an nei ta nawh a; chuongchun, thlalêra tlânhai khan anni hnawttuhai chu an hung lenghat ve ta thung a.

JOSUA 8:20 ပူးပေါင်းရင်းမြစ်များ

INṬANNA 19:28

Sodom le Gomorra khaw tieng le, phaizâwl po po tieng chu a thlîr a, a en zing a: chun, ngai ta, chu rama meikhu chu rawtuina meikhu ang elin a khu tung lui lui el a.

JOB LEKHABU (THE BOOK OF JOB) 11:20

Nisienlakhawm, mi rilo mithai chu hung hlawsam a ta, Tlân hmangna ding lampui khawm nei naw ni hai, An beiseina khawm chu thlarau inthla ang chu nîng a tih,” tiin.

INPÂKNA HLABU 76:5

Pasalṭhahai chu rawkin an um a, An in chu an in sawng tah a; Mi hrât khawm tukhawmin an kut an inlet thei ta nawh.

ISAI 34:10

Asûn azânin sukrêmin um naw nih a; a meikhu chu kumkhuoin intung ngut ngut a tih; suon um sûng po po chun serâwpin um zing a ta, tukhawma kumkhuo khawma pal naw ni hai.

JOSUA 8:19

Chun, ân chânrutuhai kha an umna hmuna inthawk chun an hung suok vat a; a kut chu a hang phar phingleh an tlân a, khawpuia chun an lût a, an lâk tah a; khuo chu an raw tah a.

JOSUA 8:21

Chun, Josua le Israelhai po po chun inchânrutuhaiin khawpui an lâk, khawpui khu chu ân tung ngut ngut an hei hmu chun an hung kîr a, Ai mihai chu an that tah a.

THUPUONGSUO 18:9

“Chun, hnuoia lal, a dit hlakhai le ân hawitirpui hlakhai chun, a kâng khu chu an hmu pha a chunga ṭapin âwm inchum an ta;

THUPUONGSUO 19:3

Chun, “Halleluia! A khu chu chatuonin a tungin fêng a tih,” an ti nâwk a.

RORELTUHAI 20:38

Israel mihai le inrûka inchân- tuhai kha an intiemna chu khawpui sûnga mei sukkhûk lui lui phaleh

RORELTUHAI 20:40

Nisienlakhawm, khawpui sûng- a chun meikhu chu a hung intung ta lui phingleh, Benjamin mihai chu an hei nghaleh a, khawpui chu a puma vân tienga khu tung ta lui lui el chu an hei hmuh a.

RORELTUHAI 20:41

Chun, Israel mihai chu an hung inher nâwk tah a, Benjamin mihai chu an lunginzîng ta hleh a, an chan a se ding a nih ti an hriet ta leiin.