JOSUA 7:24 - Pathien Lekhabu Inthieng (BSI)

²⁴ Chun, Josua le Israelhai po po chun, Zera naupa Akan chu tangka dâm, puon dâm, rângkachak tlang dâm, a naupahai dâm, a naunuhai dâm, a bâwngchalhai dâm, a sabeng- tunghai dâm, a berâmhai le a puon in dâm le a neihai po po le chun an ṭhuoi a, Akor ruomah an hang fepui a.

JOSUA 7:24 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si nawh a; nang êm chun i thaw âwm êm si nawh a: hnuoi chung po po Rorêltu chun feltakin a thaw naw ding am a nih?” a ta.

JOB LEKHABU (THE BOOK OF JOB) 20:15

Hausaknahai chu a dawl tah a, hung luok suok nâwk a tih, Pathien chun a phîng sûnga inthawkin hung pei suok a tih.

FESUOKNA 20:5

an kuoma chun kûnin an rawng i bâwl ding a ni nawh: LALPA i Pathien hi Pathien thikthusetak, pahai khawhlona chu nauhai chunga hung intlungtir hlaktu, a mi theida- tuhai chu an thla sâwng thum le sâwng li chen chunga khawm, hung intlungtir hlaktu le

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

THUHRILTU 5:13

Nisa hnuoia thil ṭha naw lung- zingthlâktak ka hmu a um a; chu chu, hausaknahai a neituin ama le ama insuknatna ding chaua a kawl hi a nih;

ISAI 65:10

Ka mi, a mi zawngtuhai ta ding chun, Saron chu berâm ruolhai huon nîng a ta, Akor ruom chu bâwng ruolhai bawkna hmun ding nîng a tih.

HOSEA 2:15

Chu chena inthawk chun a grêp huonhai chu pêng ka ta, Akor ruom khawm beiseina kawtkhâr dingin. Chutaka chun a tleirâwl lai nihai le, Aigupta rama inthawka a hung suok ni ang khan dawn a tih.

JOSUA 15:7

chun, ramri chu Akor ruoma inthawkin Debira chun a fe pei a, chun, vadung simtienga um Adum- mima hang fena depa Gilgal tieng panin hmârtieng a fe pei a; chun, ramri chu En-rogelah a suok a nih;

JOSUA 22:20

Zera naupa Akan khan thil pumpêka khan thil a suksuol a, Israel mipui po po chunga khan lungin- senna a tla a ni naw am a ni kha? Ama kha ama bawsietnaa khan ama chau ringawt a bohmang el bik naw kha,’ an ti a nih ie,” an tih a.

JOSUA 6:18

Nangni ruokchu suksiet dinga thil pumpêka inthawk chun insie- kieng hlau ro, chuong naw chun, suksiet dinga thil pumpêk laia mi ieng khawm lo lain, Israelhai riebûk hi suksiet dingah siem in ta, lunginzîngna intlun hlau rawi in tih.

JOSUA 6:21

Khawpui sûnga mi po po nuhmei pasal, a chîn a lien, bâwng- chal dâm, sabengtung dâm leh kâwl- hnâmin an sât hlum vawng tah a.

JOSUA 7:1

Amiruokchu, Israel thlahai chun thil pumpêk chun thil an lo suksuol tah a. Juda hnama mi Zera naupa Zabdi, chu naupa Karmi, chu naupa Akan chun thil pumpêka mi chu a lo lâk a; chuongchun, Israel thlahai chunga chun LALPA lung a lo sen tah a.

JOSUA 7:23

Chuongchun, puon in sûnga inthawk chun an lâk a, Josua le Israel thlahai po po kuoma chun an hung chawi a; LALPA hmaa chun an sie tah a.

JOSUA 7:26

A chunga chun lung an intieng vûm thûr a, tu chen hin a la um a; chun, LALPA lunginsenna nasatak chu a re tah a; chuongchun, chu hmun hminga chun tu chen hin Akor ruom an la ti zing a.