JOSUA 6:24 - Pathien Lekhabu Inthieng (BSI)

²⁴ Chun, khawpui chu a sûnga thil um po po leh meiin an raw vawng a, tangkaruo dâm, rângkachak dâm, dâr le thîr bûr le bêlhai chau chu LALPA in sum inah an sieh a.

JOSUA 6:24 ပူးပေါင်းရင်းမြစ်များ

2 SAMUEL 10:5

Chun, David chu an hang hril chun, a tuok dingin mi a tir a, anni chu an inzak hle el sih a. Chun, lal chun, “In khâkhmulhai a mâwng sei hma po chu Jerikoah um hri unla, chu hnunga chun hung de ti niu,” a ta.

2 LALHAI 25:9

LALPA in le lal in chu a rawh a; Jerusalem in po po, in ropui taktak- hai chu a rawh a.

1 CHANCHIN SUINA 18:11

Hieng po pohai, tangkaruo le rângkachak hnam tamtakhaia in- thawka a lâkhai chu David chun LALPA kuomah ân hlân a; Edoma inthawk dâm, Moaba inthawk dâm, Ammon thlahaia inthawk dâm, Phi- listin mihaia inthawk dâm, Amalek mihaia inthawk dâmin a lâk a nih.

NAMBAR 31:10

An umna khuo po pohai, an riebûkhai po po an raw vawng a.

DÂN PAHNINA 13:16

Râllâk sum po po chu khaw- laiah la khâwm in ta; chun, khuo le râllâk sum po po chu LALPA in Pathien kuomah pumrawhmang thil- inhlân dingin râwng in ta, pil pâwng el ni kumkhuo tâng a tih, inngîr ni nâwk ta ngai naw nih.

DÂN PAHNINA 13:17

Râllâk sum chu a ieng ieng khawm in tâwk ding a ni nawh, LALPA chun a lungsenna nasatak chu inlet a ta, zângaina inhmutir a ti cheu a, lunginsiet a ti cheu a, a suk- pung ding cheu a nih; in pi le puhai kuoma ṭawng a lo inkhâm ta ang khan;

DÂN PAHNINA 20:16

LALPA in Pathienin hluo dinga a pêk cheu laia hnamhai khuohaia ruok hin chu hring taphawt chu iengkhawm in hla ding a ni nawh a,

JOSUA 11:11

Chu khuoa mi umhai po po chu kâwlhnâmin an that vawng a, an sukchimit dêr a, ân thuokthei taphawt chu pakhat khawm an hla nawh, chuongchun, Hazor chu meiin a raw tah a.

JOSUA 6:19

Tangkaruo dâm, rângkachak dâm, dâr le thîr bûrlebêlhai ruok chu a rêngin LALPA kuoma inthieng a na, LALPA sum inah an lût vawng ding a nih,” a ta.

JOSUA 6:25

Amiruokchu, Rahab nawchi- zawr le a nei po po le a pa sûnghai chu Josua chun a hla vawng a; chuong- chun, Israelhai lai chun tu chen hin a la ṭhang ta zing a nih, Josuain Jeriko khuo enthla dinga a tirhai kha a lo thuphmang leiin.

JOSUA 8:28

Chuongchun, Josua chun Ai khuo chu a rawh a, kumkhuoa dingin hnuoi pâwngah a siem a, tu chen hin râusan a lo ni tah a nih.

THUPUONGSUO 17:16

Chun, ki sâwm i hmu le sahrâng chun nawchizawr chu theidâng an ta, iengkhawm neinaw le saruokin siem an tih, a sa khawm fâng an ta, meiin rawhmang an tih.

THUPUONGSUO 18:8

Chuleiin, ni khat sûngin a hrem- na hri dâm, lungngaina dâm, ṭâm dâm chu–hung tlung vawng a tih; meia rawhmangin um bawk a tih; a rorêltu, Lalpa Pathien chu a hrât sih a.