JOSUA 6:21 - Pathien Lekhabu Inthieng (BSI)

²¹ Khawpui sûnga mi po po nuhmei pasal, a chîn a lien, bâwng- chal dâm, sabengtung dâm leh kâwl- hnâmin an sât hlum vawng tah a.

JOSUA 6:21 ပူးပေါင်းရင်းမြစ်များ

1 LALHAI 20:42

Chun, ama chun a kuomah, “LALPA chun hieng ang hin a tih, ‘Ṭawngsie ka înphur ta chu în suo ta leiin a hringna aiah i hringna; a mihai aiah i mihai chân i tih,’ tiin,” a ta.

JEREMIA 48:18

“Aw nang Dibona chêng naunu- hmei, i ropuinaa inthawkin hung thla la, dangchârin ṭhung rawh; Moab suksetu chu i chungah a hung tlung a, i kul nghethai chu a suksiet ta sih a.

DÂN PAHNINA 13:16

Râllâk sum po po chu khaw- laiah la khâwm in ta; chun, khuo le râllâk sum po po chu LALPA in Pathien kuomah pumrawhmang thil- inhlân dingin râwng in ta, pil pâwng el ni kumkhuo tâng a tih, inngîr ni nâwk ta ngai naw nih.

DÂN PAHNINA 2:34

Chu ṭum chun a khuo po po chu ei lâk a, chuong khuoa mihriem po po chu, nuhmei le an nauhai leh ei sukbohmang vawng a, hla hrim hrim ei nei nawh.

DÂN PAHNINA 7:16

LALPA in Pathienin a pêk ding cheu hnamhai po po chu in sukbo- hmang vawng ding a nih, in lungin- siet ding a ni nawh a, an Pathien rawng khawm in bâwl ding a ni nawh; in ta dingin châng a ni el ding a ni sih a.

JOSUA 10:28

Josua chun chu ni chun Makeda chu a lâk a, a lal khawm kâwlhnâmin a thawh a, chu khuoa um po pohai le chun a sukhlum fai rêt a, pakhat khawm hla hrim hrim a nei nawh. Jeriko lal chunga a thaw ang bawk khan Makeda lal chunga khawm a thawh a.

JOSUA 10:39

chuongchun, chu khuo le a lal le a khawpuihai po po chu an lâk a, chun, kâwlhnâmin an thawh a, a sûnga mi um po pohai chu an sukhlum fai rêt a, pakhat khawm hlâ hrim hrim an nei nawh; Hebron chunga thaw ang khan Debir le a lal chunga khawm an thawh a, Libna khuo le a lal chunga an thaw ang bawk khan.

JOSUA 11:11

Chu khuoa mi umhai po po chu kâwlhnâmin an that vawng a, an sukchimit dêr a, ân thuokthei taphawt chu pakhat khawm an hla nawh, chuongchun, Hazor chu meiin a raw tah a.

JOSUA 11:14

Chuong khawpuia an râllâkhai po po le ranhai chu Israel thlahai chun anni chanpuolah an nei a, mihriem ruok chu an sukbohmang vawng hmakhat chu kâwlhnâmin an that a, ân thuokthei taphawt chu hla an nei nawh.

JOSUA 8:2

Jeriko le an lal chunga i thaw ang khan Ai khuo le a lal chunga khawm thâwng i ta, râllâk le ranhai chau chu nangni chan dingin lâng in tih. Khawpui inchânru ding a hnung tiengah sie bawk rawh,” a tih a.

JOSUA 8:22

Chun, mi danghai chu a thaw dingin khaw sûnga inthawk chun an hung suok a; chuongchun, Israelhai chun ruongchaiche an thlâk tah a; a ṭhen khingtieng an um a, a ṭhen khingtieng an um bawk a; chuong- chun, an that a, pakhat khawm hla le insuo hrim hrim an nei nawh a.

JOSUA 9:3

Nisienlakhawm, Gibeon khuoa umhai chun Josuain Jeriko khuo le Ai khuo a thaw dân an lo hriet chun,

THUPUONGSUO 18:21

Chun, vântirko hrâttak hin burawtnawina lung lientak ang hi lung a lâk a, tuisuorietah a peithlâk a, “Babulon khaw ropui chu hieng anga nasa hin peithlâk nîng a tih, tûkhawmin hmu nâwk ta naw tawp an tih.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr loin sukbohmang vawng rawh; nu- hmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.

1 SAMUEL 15:8

Chun, Amalek mihai lal Agag chu a hringin a man a, mipuihai po po chu kâwlhnâmin a sât hlum vawng a.