JOSUA 6:17 - Pathien Lekhabu Inthieng (BSI)

¹⁷ Khawpui hi a sûnga thil um po po pumin suksiet dinga LALPA kuoma pumpêk vawng ding a nih; Rahab nawchizawr chau, ama le a in sûnga ama le um po pohai ruok chu ei mi tirhai kha a lo thuphmang leiin hla ding a nih.

JOSUA 6:17 ပူးပေါင်းရင်းမြစ်များ

INṬANNA 12:3

Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a tih a.

EZRA 10:8

tukhawm ni thum sûnga hung naw chu mi ṭhahai le upahai rorêl dân angin a thuomhnaw po po chu chân a ta, ama ngei khawm chu sal intâng suokhai laia inthawk pâwlser nîng a tih, tiin thuphuong an siem tah a.

ISAI 34:6

LALPA kâwlhnâm chu thisenin a khawp a, thâunaa sukthâuin a um tah a; berâmte le kêlte thisenin, berâmchal kal thâu dâmin; LALPA chun Bozra khuoa chun inthâwina a nei a. Edom rama chun thatna nasa- tak a nei bawk sih a.

JEREMIA 46:10

Chu ni chu LALPA, sipaihai LALPA ni, a hmêlmahai chunga phuba a lâk theina dinga, phuba lâkna ni a ni sih a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; LALPA sipaihai LALPA chun hmâr- tieng ramah Euphrates vadungpui panga chun inthâwina chu a nei sih a.

EZEKIEL 39:17

“Chun, nang mihriem naupa, Lalpa PATHIEN chun hieng hin a tih; ramhnuoia sa tinrêng le, vate chi tinrênghai kuoma chun thu hril la, hieng hin hril rawh: Hung inkhâwm unla, hung ro, sa chu in fâka thisen chu in dâwn theina dingin Israel tlâng chunghaia inthâwina ropui- tak, in ta dinga kân thâwina, kân thâwina sîr tina inthawkin hung inkhâwm ro.

LEVI DÂN 27:21

jubili kuma a suok nâwk pha chun, lo chu LALPA ta dinga in- thieng, a chanpuola lo siem bîk ang nîng a ta, thiempu chan ding nîng a tih.

MIKA 4:13

Aw Zion naunu, tho la chîl rawh, i ki chu thîr angin siem ka ta, i kepha bâwrhai chu dâr angin ka siem ding a ni sih a; chun, chi tamtakhai chu vaw nâwi i ta, an thil hlêp chu LALPA ta dingin hlânthieng i tih, an sum chu leihnuoi pumpui LALPA ta dingin hlânthieng i tih.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

1 KORINTH 16:22

Tûkhawmin Lalpa a hmangai naw chun ṭawngsephurin um raw se. Ei Lalpa chu a hung ie.

1 KORINTH 2:7

Pathien thu var thurûk chu kan hril lem hlak a nih, thu var inthup, ei ropuina dinga Pathienin khawvêl um hmaa a ruot lâwk ta chu.

GALATI 3:10

Dân thilthawa um taphawthai chu ṭawngse hnuoiah an um sih a, “Dân Lekhabua thu ziek po po anga thaw dinga um zing naw taphawt chu ṭawngsephurin an um hlak,” ti ziek a ni sih a.

GALATI 3:12

chun, Dân chu ringnaa inthawk a ni nawh a, “Chuong anga thawtu chu chuonga chun hring a tih,” ti a ni lem.

DÂN PAHNINA 20:17

Hit mihai, Amor mihai, Kanaan mihai, Periz mihai, Hiv mihai, Jebus mihai dâm chu LALPA in Pathienin thu a pêk cheu angin in sukbohmang vawng ding a nih;

HEBRAIHAI 11:31

Ringnain Rahab nawchizawr kha awi nawhai lai a bohmang ve ta nawh a, enthlatuhai chu tlangtaka a lâwm leiin.

HEBRAIHAI 6:10

In sin thaw le a hming leia hmangaina in inlangtir, mi inthieng- hai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si nawh a.

JAKOB 2:25

Chuong ang bawkin, Rahab nawchizawr khawm khan tirkohai kha a lo lâwm a, lampui danga ân fetir lai khan, thilthaw leiin thiem a chang a ni naw am a nih?

JOSUA 2:1

Chun, Nun naupa Josua chun, Shittima inthawk chun mi pahni inrûkin enthlatu dingin a tir a, “A ram le Jeriko khuo dâm chu va en vêl ta u,” tiin. Chun, an va feh a, naw- chizawr pakhat a hming Rahab inah an va lût a, chutaka chun an tlung tah a.

JOSUA 2:22

Chuongchun, an fe tah a, tlâng chu an va tlung a, anni hnawttuhai chu an kîr nâwk hmakhat chu, chu- taka chun ni thum an um a, anni hnawttuhai chun lampui intluonin an zawng a, nisienlakhawm, an hmu zo nawh a.

JOSUA 7:1

Amiruokchu, Israel thlahai chun thil pumpêk chun thil an lo suksuol tah a. Juda hnama mi Zera naupa Zabdi, chu naupa Karmi, chu naupa Akan chun thil pumpêka mi chu a lo lâk a; chuongchun, Israel thlahai chunga chun LALPA lung a lo sen tah a.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr loin sukbohmang vawng rawh; nu- hmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.

1 SAMUEL 15:6

Chun, Saula chun Ken mihai kuoma chun, “Hung suok unla, Amalek mihai laia inthawk hin insie fihlîm ro, chuong naw chun sukhlum sa rawi ka ti cheu, nangni chun chu Israel thlahai po po Aigupta rama inthawka an hung suok khan in lo lunginsiet sih a,” a ta. Chuongchun, Ken mihai chu Amalek mihai laia inthawk chun an suok tah a.