JOSUA 3:17 - Pathien Lekhabu Inthieng (BSI)

¹⁷ Chun, LALPA thuthlung bâwm zâwntu thiempuhai chu Jordan vadung laia chun, hnuoi hulah an ngîr zing tah a; mipui po po chun Jordan vadung chu an kai fai vawng chenin Israelhai po po chu hnuoi hula chun an fe kai ta vawng a.

JOSUA 3:17 ပူးပေါင်းရင်းမြစ်များ

2 LALHAI 2:8

Chun, Elija chun a puon chu a hlîp a, ân têl a, tui chu a vuok tah a, chuongchun, khingtieng khingtieng chun a lo inṭheh a, an pahni chun hnuoi hula chun an fe kai tah a.

INPÂKNA HLABU 66:6

Ama chun tuisuoriet kha hnuoi ṭâwlah ân changtir a, Vadungpui kha kein an fe kâi a; Chutaka chun amaah ei hlim a.

FESUOKNA 14:21

Chun, Mosiein tuipui chunga chun a kut a phar a, chun LALPAIN sak thli hrâttak zânkhawvâra hrâng- in tuipui chu ân luong kîrtir a, tuipui chu ram ṭâwlah a siem a, tuihai chu an inṭhe tah a.

FESUOKNA 14:22

Israel thlahai chu tuipui inkâra chun hnuoi hulah an fe tah a; tuihai chu an changtieng le vawitieng bang angin a um a.

FESUOKNA 14:29

Israel thlahai ruok chu tuipui kâra chun hnuoi hulah an feh a, tui chu an changtieng le vawitieng chun bang angin a umpêk a.

ISAI 25:8

Thina chu a lem sawng tah; Lalpa PATHIEN chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; LALPAIN chu chu a hril ta sih a.

NAMBAR 33:51

“Israel thlahai chu hril la, an kuomah ‘Jordan vadung in kai a,

HEBRAIHAI 11:29

Ringnain khawmuola fe angin Tuisuoriet Sena khan an fe kai a; Aiguptahaiin chu chu thaw an tum ve a, lem zoin an um tah a.

JOSUA 4:1

Chun, a hnam pumpui chun Jordan an kai fai vawng hnungin LALPAIN Josua kuoma chun,

JOSUA 4:10

Mosien Josua kuoma thu a lo pêk ta po po anga, LALPAIN mipui- hai kuoma hril dinga Josua thu a pêk chu thaw vawng a ni hmakhat chun thiempu bâwm zâwntuhai chu Jordan vadung lailunga chun an ngîr zing el a. Chuongchun, mipuihai chu an insukhmawh a, an kai tâwl tah a.

JOSUA 4:11

Mipui po po chu an kai vawng hnung chun LALPA bâwm le thiem- puhai chu mipuihai mithmua chun an kai ve tah a.

JOSUA 4:22

‘Israelhai chun Jordan vadung hi hnuoi hulah an kai a nih,’ tiin in thlahai chu in lân hriettir ding a nih.

JOSUA 4:3

‘Jordan vadung lailung, thiempu- hai ngîrna laitaka mi lung sâwmpa- hni la unla, put phei unla, riebûk, vawizâna in riekna dingah sie ro,’ tiin thu pe rawh,” tiin a hril a.

JOSUA 5:1

Chun, Jordan vadung thlang tienga um Amorhai lalhai po po le, tuisuoriet panga um Kanaan ram lal po pohai chun, an kai hmakhat chun LALPAIN Jordan tuihai chu Israel thlahai hmaa chun a sukkang- tan ti an lo hriet a, Israel thlahai lei chun an lungril chu ân tui zo tah a, annia chun lungril mumal hrim hrim a um ta nawh a.